داؤد طائی

حضرت امام ربانی امام حدیث ابو سلیمان داؤد بن نصیر الطائی الکوفی، محدث ثقہ ،زاہد، عالم زمانہ ہن. آپؒ دا پورا ناں ابو سلیمان داود بن نصیر طائی ہے۔ آپؒ مشائخ کبار تے اہل تصوف دے سرداراں وچ ہن۔ آپؒ دی ولادت با سعادت 21 صفر 47 ہجری کوں شام وچ تھئی.

حالات زندگی

آپؒ دا شمار امام ابو حنیفہؒ دے قابل شاگرداں وچ تھیندا ہئی۔ جݙݨ کݙہیں امام محمدؒ تے امام ابو یوسفؒ وچ کہیں مسلے تے اختلاف پیدا تھی ویندا تاں آپؒ ہی ثالث قرار پاندے ہن۔ ضروری علوم حاصل کرݨ دے بعد امام اعمشؒ تے ابن ابی لیلیٰ توں حدیث پڑھی، ول امام اعظمؒ دی خدمت وچ باریاب تھئے، ویہہ سال تک انہاں توں استفادہ کریندے رہے تے انہاں دے کبار اصحاب و شرکاء تدوین فقہ وچوں ایہ وی ہک ہن . بعض اوقات صاحبین دے اختلاف کوں اپݨی رائے صائب نال فیصلہ کر کے ختم کر ݙیندے ہن ،امام ابو یوسفؒ توں بوجہ قبول قضا اپݨی غایت زہد واستغنا ء دے باعث کجھ منقبض رہندے ہن تے فرمیندے ہن کہ ساݙے استاذ امام اعظمؒ نے تازیانے کھا کھا کے اپݨے آپ کوں ہلاک کرایا مگر قضا کوں قبول نہ کیتا اس واسطے ساکوں وی انہاں دا اتباع کرنا چاہیدا اے. سفیان ابن عینیہ آپؒ دے حدیث وچ شاگرد ہن ،امام یحییٰ بن معین وغیرہ نے آپؒ دی توثیق کیتی تے نسائی وچ آپؒ توں روایت کیتی گئی ہے .

وفات

آپؒ 19 ذیقعدہ 162ھھ کوں اس دار فانی توں رخصت تھئے۔ ہک ݙوجھی روایت دے مطابق آپؒ 8ربیع الاول 165ھ کوں اس دار فانی توں رخصت تھئے۔ آپؒ دا مزار اقدس بغداد وچ ہے۔