خورشید نواز لائقؔ بخاری

خورشید نواز لائق بخاری سرائیکی نعت گو شاعر تے نعت خوان ہے۔

نمونہ کلام

سرائیکی نعتِ پاک

نعت

جیلے میڈے تے تھیندی ہے عطا لجپال عربیﷺ دی

لکھیندا ہاں میں اوں ویلھے ثنا لجپال عربیﷺ دی

اے کم آوسی قبر وچ وی حشر وچ وی تو جل ڈیکھیں

محبت اپݨے سینے وچ وسا لجپال عربیﷺ دی

اساں خوش بخت ہیں جگ وچ عجب ایمان ہے ساڈا

اساݙے لیکھ وی ائی ہے دعا لجپال عربیﷺ دی

کیویں ٹردن، کیویں بہندِن ، کیویں حسنینؓ کوں چیندن

تکیندے ہَن صحابہ ہر ادا لجپال عربیﷺ دی

فَتَرضٰی دی تُو پڑھ آیت تیکوں وی آ سمجھ ویسی

خدا دی وی رضا ہے جو رضا لجپال عربیﷺ دی

بنڑا بھیجے خدا سرکارﷺ کوں رحمت جہاناں دی

پئی وسدی ہے رحمت بے بہا لجپال عربیﷺ دی

مزہ لائقؔ وڈا آگئے نبی ﷺ دی نعت سُنڑدیں ہوئیں

سنڑا اے نعت سب آہدن ولا لجپال عربیﷺ دی

وڈیو

• سییت میݙی وی جگاؤ