خودکش حملیاں دی وجہ
خود کش کنیں وڈا مجرم او ہے جیرھا اوندی زھن سازی کریندے ،پولیس یا کوئ بیاء ادارہ انھیں دے پچھوں اینجھے زھن ساز ہن جیرھے ساری شطرنج کوں آپڑیں مطابق کھیڈدن اساں کاوڑ صرف آلہ کار تیں کاوڑکھڈدے ہیں حالانکہ او صرف چابی آلا کھلونا ہوندے ،ساہیوال دے واقعے میکوں بہوں ڈرا ڈتے ایویں لگدے جو ہُنڑ عوام دا صبر ختم تھی چکے ہُنڑ ہر ادارہ ہر سیاسی پنڈت سمجھ ونجے جو حالات اوکھے ہن خدا نہ کرے کوئ اینجھا بیاء واقعہ تھیوے نتاں تساں ڈیکھسو تہاکوں روڈیں تے گھیلا ویسی ،ساڈے مونھ چاٹاں جھل جھل رتے لال تھی گئین ،کراچی ءچ زندہ سڑدے ھوئے مزدور ،زینب جھیئاں ہزاراں بچیں دی لٹی ھوئ عصمت دا قرض باقی ھے ،اعظم سواتی دی جاگیر ءچ غریب دا قدم رکھنڑ یاد ھے،نقیب محسود دے قاتل دا سینہ چؤرا کرکے عدالت ءچ آونڑ نیں بھلیا،ساڈی دھرتی تیں تھیاء ہر ظلم یاد ھے ہُنڑ وقت ھے حساب دا میکوں لگدے بلال بلکل تیار ھے رات اندھاری مُکنڑ آلی ھے،آپڑیں بچے بیرون ملک بلہا کے ساڈے بچیں کوں مارنڑ آلے رھزنیں کنیں حساب گھدا ویسی تھر پارکر ءچ بُھکے بچے مار کے سٹیج تے کھڑ کے تقریراں نہ کر سگسو ،ماڈل ٹاؤن ءچ خون دی ہولی کھیڈ کے لیڈر نہ سڈویسو ،تبدیلی دا نعرہ مار کے ہر درندے کوں کچھ ءچ پاء کے مسیحا نہوے بنڑ سگدے ڈرو تھاڈا وقت اے گھلیجنڑ بہوں قریب ھے ،جمیل حیدری