خودکشی وچ صِنفی فرق

وکیپیڈیا توں
Jump to navigation Jump to search

خود کشی وچ صنفی فرق (انگریزی: Gender differences in suicide) توں مراد خودکشی دی شرح وچ عالمی سطح اُتے ݙیکھائی ݙیوݨ آلا فرق ہے۔[١] ایہ ݙٹھا ڳیا ہے جو ایں معاملے وچ تریمتاں تے مرداں دے روئیّاں وچ فرق نظر آندا ہے۔ ہک پاسے تریمتیں خود کشی دے خیالات توں ڈھیر متاثر تھیندیاں ہِن تے ڈھیر مرد ایں خیالات کوں انجام تائیں پہنچیندے ہِن.[٢]

تریمتاں دی خود کشی دی وجہ[لکھو | ماخذ وچ تبدیلی کرو]

ترقی پزیر مُلکاں وچ تریمتاں دی خودکشی دی ہک وݙی وجہ ایہ ہے جو شادی دا فیصلہ کریندے ویلے چھوہر تے چھوہِر دی ذہنی تے تعلیمی مطابقت دا خیال نئیں رکھا ویندا۔ ماء پیو اندھا دھند رشتے طے کر ݙیندے ہِن، کیوں جو انہاں کوں چنڳا  رشتہ ہتھ توں نکلݨ دا خوف ہوندا ہے تے بعد وچ جیہڑے ویلے چھوہر تے چھوہِر کوں پتہ لڳدا ہے جو اوندی آپݨے ساتھی دے نال ذہنی مطابقت کائنی ہے تاں او مایوس تھی تے ایہ وݙا قدم چا گھندے ہِن۔ ذال پئے دے سماجی پس منظر، تعلیم، عمر تے سوچ وچ فرق نہ صرف تریمتیں بھل مرداں کوں وی خودکشی کرݨ کیتے مجبور کر ݙیوݨ آلے عوامل ہِن۔ تریمتیں دی خود کشی دی شرح وچ پریشان کر ݙیوݨ آلا ودھارا تھیندا پئیا ہے. ماہرین دے مطابق ایں توں علاوہ ݙاج کیتے ہراسانی تے گھریلو تشدد وی ٻئے محرک عوامل وچ شامل ہِن. معاشی تنگی تے ٻئے سماجی مسائل بعد دے عوامل ہوندے ہِن.  آبرو ریزی تے جنسی ہراسانی توں وی خودکشی دے کجھ واقعات تھیندے ہِن.

مرداں وچ خود کشی دی وجہ[لکھو | ماخذ وچ تبدیلی کرو]

ہر ٤٠ سیکنڈ وچ دنیا وچ کتھائیں نہ کتھائیں  ذہنی تناؤ دی وجہ توں ہک مرد خودکشی کریندا ہے۔ ایندی ہک وجہ ایہ وی ہے جو مرد آپݨے مسلئیاں دے بارے گھٹ ڳالھ کریندے ہِن یا گھٹ ای مدد دی ڳول وچ ہوندے ہِن۔[٣] ایں تناؤ دا سبب تعلیمی، معاشی تے سماجی تھی سڳدا ہے۔ کئی واری ایں ڳالھ دا تعین وی اوکھا ہوندا ہے۔

حوالے[لکھو | ماخذ وچ تبدیلی کرو]

  1. https://link.springer.com/article/10.2307/2061790
  2. WHO (2002). "Self-directed violence" (PDF). www.who.int.
  3. ڈپریشن: ہر 40 سیکنڈ میں ایک مرد خود کشی کرتا ہے مگر کیوں؟