خواجہ گل محمد تونسوی

خواجہ گل محمد تونسوی روحانی ہستی خواجہ شاہ سلیمان تونسوی دے پتر ہن آپ اپݨے پیو دی زندگی اچ ہی دنیا توں ٹر گئے اس واسطے آپ دے پتر خواجہ اللّٰہ بخش تونسوی ڈاڈے دی مسند نشین ہویے

ڃم

خواجہ گل محمد تونسوی دا اصل ناں گل محمد ہئی تے لقب جگر گوشہ پیر پٹھان ہئی آپ 1795 کوں تونسے اچ ڃمیے ہن

پڑھائی لکھائی

آپ نے شروع اچ آپݨے پیو خواجہ شاہ سلیمان تونسوی کولوں پڑھیین علم مروجہ کیتے میاں گل محمد دامانی، حافظ حسن تے مولانا نور محمد سے استفادہ کیتا علم تصوف و اخلاق اپݨے پیو خواجہ شاہ سلیمان تونسوی کولوں حاصل کیتے

بیعت و خلافت

آپ نے سلسلہ عالیہ چشتیہ نظامیہ میں اپݨے والد دست حق تے بیعت کیتی خواجہ شاہ سلیمان تونسوی آپ کوں خلافت عطا کیتی

شادی

آپ دی شادی محمد عمر ہیروی دی دھی نال تھئی

اولاد

آپ دیاں ترائے دھیریں تے 2 پتر ہن۔

• خواجہ اللّٰہ بخش تونسوی
• خواجہ خیر محمد تونسوی

وفات

آپ دی موت دی وجہ ہک پھوڑا بݨڑیا ہئی آپ دی ڳچی تے ہک پھوڑا نکلیا ایہہ وجہ توں آپ بہوں بیمار تھی گئے تے علاج وی کیتا ڳیا لیکن کافی علالت توں بعد آپ 25 ستمبر 1844 کوں فانی دنیا توں ٹر گئے آپ دی تدفین تونسے دے مغربی قبرستان اچ کیتی ڳئی آپ اپݨے بھرا خواجہ درویش محمد نال دفن ہن آپ دا مزار ےبݨاوݨ کیتے نواب آف بہاول پور محمد بہاول خان سوم نے 500مستری تے مزدوراں ہک ٹیم بھیجی لیکن آپ دے والد نے ناں کر ڈتی۔