خواجہ نور محمد مہاروی
| حضرت خواجہ نور محمد مہاروی رحمۃ اللہ علیہ | |
 | |
| ڄم پل: | 1729ء بمطابق 1142ھ، چوٹالہ، ریاست بہاولپور |
| روحانی سلسلہ: | چشتیہ نظامیہ |
| وصال: | 1791ء بمطابق 1205ھ، عمر 60/61 سال |
| مزار : | مہار شریف، تحصیل چشتیاں ضلع بہاولنگر |
حیات مبارکہ
[لکھو | ماخذ وچ تبدیلی کرو]آپ دا ناں بہیل تے لقب نور محمد جیہڑا آپ دے پیرو مرشد فخر الدین نے عطا کیتا۔ والد صاحب دا ناں ہندال جیہڑے کھرل قوم نال تعلق رکھدے ہن۔ انہاں نے مہار وچ سکونت اختیار کیتی۔ آپ دی والدہ دا ناں عاقل خاتون ہئی۔ آپ دی ولادت 14 رمضان 1142ھ بمطابق 1729ء کوں چوٹالہ جیہڑا مہار توں مشرق کوں واقع ہے، وچ تھئی۔ آپ نے ابتدائی تعلیم اپݨے گراں مہار شریف توں حاصل کیتی، ول مہار شریف دے قریب دُلہ بھڈیرا ڳئے۔ کجھ عرصہ بعد موضع بیلانہ جیہڑا پاکپتݨ دے قریب ہے چلے ڳئے ول ڈیرہ غازی خان تے لاہور وی علم حاصل کریندے ریہے۔
روحانی فیض پاوݨ کیتے ڈیرہ غازی خاں لاہور تے ول دہلی تشریف گھن ڳئے تے اتھاں فخرالدین دہلوی دے مرید تھئے جیہڑے نظام الدین اولیا ؒ تے بابا فرید شکر گنجؒ پاکپتݨ والیاں دے مرید ہن۔ ایں وجہ توں آپ پاکپتݨ شریف نال بے حد عقیدت رکھدے ہن تے ایں طرح آپ دا سلسلہ معین الدین چشتی اجمیریؒ نال ونڄ ملدے۔ آپ اکثر جمعة المبارک دے کیتے پاکپتݨ تشریف گھن ویندے۔ طبیعت دی ناسازی تے ضعف العمری دی وجہ توں آپ کوں شکر گنجؒ دی طرفوں بشارت تھئی کہ پراݨی چشتیاں وچ میݙے پوترے بابا تاج سرور مدفون ہن اتھاں جمعة المبارک دی ادائیگی کیتی کرو۔ بعد ازاں آپ نے ایں درگاہ مبارکہ تے باقاعدہ حاضری ݙیوݨ شروع کیتی تے باقی زندگی اتھائیں گزار ݙتی۔ سلیمان تونسوی علوم باطنی کیتے نور محمد مہاروی، چشتیاں دے دست مبارک تے بیعت کیتی)۔ ہندوستان، پاکستان تے وچ سینکڑاں مشائخ آپ کوں اپݨا روحانی مورث تسلیم کریندن۔ روحانی پیشوا نور محمد مہاروی دا وصال 3 ذی الحج 1205ھ کوں تھیا۔ آپ دا مزار چشتیاں شریف وچ ہے۔