خلیل خان اشک

انہاں دے حالات زندگی معلوم نی۔ فورٹ ولیم کالج کلکتہ نال 1801ء وابستہ تھئے۔ اوندے بعد انہاں دی زندگی دے حالات تے مکمل پردہ ہے۔ فورٹ ولیم کالج دی ملازمت دے دوران اشک نے چار کتاباں تالیف کیتے جنہاں دے ناں ہن۔ داستان امیر حمزہ، اکبر نامہ، گلزار چین تے رسالہ کائنات لیکن انہاں دی مشہور کتاب داستان امیر حمزہ ہے۔ ایں کتاب وچ اشک دی زبان بہت صاف تے سلیس ہے۔ جگہ جگہ تے مصنف نے قافیے نال کم گھدے تے سدھے سادے ڳالہیں کوں ادبی تے شاعرانہ انداز وچ بیان کرکے اوندی دلکشی وچ اضافہ کیتے۔ نیز قصے وچ مقامی معاشرت دا رنگ وی ݙکھایا ڳیا ہے۔ ایہ کتاب ایں قدر مشہور تھئی کہ ہر فرد ایندے ناں توں واقف ہے لیکن جیں قدر کتاب کوں شہرت حاصل تھئی اتنا ہی مصنف گمنامی وچ چلا ڳیا۔