خط رعنا

خطِ رعنا

خطِ رعنا دے حروفِ اَبجد دِی تختیِ اوّل دا عکس

معروف شاہ خالد گولڈ میڈلسٹ خطاط ہفت قلم ابنِ کلیم احسن نظامی سئیں نے اُردو، عربی، فارسی، پنجابی، سرائیکی و دیگر زباناں دا نمائندہ ایک نواں طرزِ تحریر ایجاد کیتا۔ جِیندا ناں سئیں ابنِ کلیم احسن نظامی نے پروفیسر ڈاکٹر اسلم انصاری سئیں دی تجویز تے "خطِ رعنا" رکھا۔ اے رسم الخط پہلے توں موجود رسم الخط "خطِ نستعلیق" دی ایجاد دے ست سو سال بعد تخلیق کیتا ڳیا ہِک باضابطہ خط (طرزِ تحریر) ہِے۔ ڄیڑھا جو فَنِ خطاطی دِی تاریخ اَتے وِرثے وِچ ہِک سوہݨاں اَتے خوش آئند وَدھارا ہے۔

١٩٧١ء وِچ خطِ رعنا ایجاد تِھیا، تے ہُݨ اَلحمد لِلّٰہ پوری دُنیا وِچ خطِ رعنا معروف اَتے مقبول تِھی چُکیا ہِے۔ اَتے فن تے فَنکار دِی اِیں توں وَدھ پذیرائی کیا تِھی سڳدی ہِے جو ہُݨ کئی ممالک اِچ پہلے تُوں مروّجہ طرز ہائے تحاریر دے نال نال اِیندی وِی سِکھلائی تِھیندی پئی ہِے۔ اَتے ایہ خط ہر خاص و عام اِچ مقبول تِھی چُکیا ہِے۔ ڄِیوں جو غالب اکیڈمی نیو دہلی بھارت وِچ، جاپان دے اِسلامک لینگویج یونیورسٹی، تہران اَتے دیگر کئی علاقیاں وِچ اِیں خط دی باضابطہ اَتے باقاعدہ ڄاݨ کاری دا سلسلہ جاری و ساری ہِے۔ جِیندی وجہ نال "خطِ رعنا" نہ صرف ملتان، پاکستان بلکہ عالمِ اِسلام دا وِرثہ بݨݨ دی وجہ نال سرائیکی خطّے واسطے ہِک اعزاز دِی ڳالھ ہِے۔

اَساتذہِ فن نے خطِ رعنا کُوں ٻہُوں پسند کِیتا اَتے اِیندے موجد سئیں اِبن کلیم احسن نظامی دا حوصلہ وَدھارݨ کِیتے سئیں اِمامُ الخطاطین حافظ محمد یوسف سدیدیؒ، سئیں نفیس رقم اَتے دیگر آرٹسٹاں، خطاطاں اَتے فن کوں ڄاݨݨ تے پرکھݨ آلیاں نے آپݨے آپݨے سوہݨے انداز وِچ خراجِ تحسین پیش کِیتا ہِے۔ اِنڈیا تُوں عظیم خطاط سئیں خلیق ٹونکی، سئیں عاصم امروہوی، الفی قرآن مجید دے کاتِب سئیں محمد یوسف قاسمی دہلوی، خطاط حافظ محمد یوسف دہلوی، معروف دانشور اَتے اِنشاء پرداز سئیں ڈاکٹر گوپی چند نارنگ، جاپانی خطاط کوتیشی ہوندا، جرمن مستشرق سئیݨ ڈاکٹر این میری شِمل، ترکی، اِیرانی، اَمریکی، اَتے سعودی عرب دے نال نال کئی ممالک دے خطاط اَتے صاحبانِ ذوق و شوق و ناقدینِ فَن نے نہ صرف خطِ رعنا کوں مَنّے اَتے معترف تھئے ہِن بلکہ اِیندی ایجاد تے موجدِ خط سئیں اِبنِ کلیم احسن نظامی دا ماݨ ودھائے اَتے خراجِ تحسین نال نوازے۔ 

حوالہ جات:

MubasherKaleem (talk) 14:24, 5 September 2018 (UTC)