حیران کر ڈیونڑ آلیاں گالھیں

وکیپیڈیا توں

،،،،، حیران کر ڈیونڑ آلیاں گالھیں،،،،،یک مزاحیہ تحریر

1 مکوڑے تیں مکھی کوں شیشے دی بوتل ءچ بند کر ڈیونڑ نال ڈوجھے ڈینھ بوتل پھٹ ویندی ھے ،

2 وڈی ماکھی اگر مالٹے دے درخت توں لہائ گئ ھے اوندے کھاونڑ نال ڈندیں ءچ درد پئے ویندے ،،

3گلیے سڑیے کیلے کوں اگر اٹے ءچ ملا کے روٹی پکائ ونجے روٹی ءچو گلاب دی خوشبو آندی ھے ،

4جیرھے کھیر ءچ بلی مونھ مار گئ ھووے اوں کھیر دی کڈاھیں ڈاہی نیں بنڑدی ،

5چاہ ءچ مکھی ونج پووے او پیالہ ویٹنڑ نال ست سو اینجھے جراثیم بنڑدن جیرھے ککڑیں کوں بیمار کریندن،

6 جیرھے گھر ءچ سوہانجڑے دا درخت ھوسی اوں گھر ءچ ہک بندہ ڈُورا ضرور ہوسی ،

7 متواتر اُپٹھی جُتی پاونڑ نال اکھیں بھینگیاں تھی ویندن ،

8 گنجا بندہ اگر مسلسل ترائے منٹ شیشہ ڈیکھے اوکوں اُباسیاں آونڑ لگ ویندن ،

9 کالے یرقان دے مریض کوں اگر تھوڑا جھئیاں کالا پتھر پلایا ونجے ڈو منٹ دیوچ مرض ختم تھی ویسی

10 جیرھے بچے نکے ویلھے چِدا کھادا ھووے چدا باھر نہ نکھتا ھووے اُو وڈا تھی کے ڈاکٹر بنڑدے

11جیرھے کپڑے تیں دانگ لگ وجے اوں کپڑے کوں 12منٹ مٹھے تیل ءچ رکھنڑ نال دانگ لیھ ویندے ،

اے ساریاں گالھیں سچیاں تھی سگدن مگر سیاست دان اتھو وی وڈے کوڑ مریندن اگر انھیں دے گالھیں تیں ہر واری یقین کر گھندو میڈیاں گالھیں وی من گھنو ،،ویسے تھاکوں کیرھا کُوڑ چس دا لگے ،جمیل بلوچ۔

حوالے[لکھو | ماخذ وچ تبدیلی کرو]