حیات اللہ خان نیازی

حیات اللہ خان نیازی سرائیکی زبان دا شاعر ہے۔

ڄم پل

میانوالی دے ڄم پل ہن.

کتاباں

• یاریویں دی سرائیکی دی کتاب

نمونہ کلام

جگ دی ریت

ہک گھراچ فاقےہن

نالےوݙا بال بیمارہئی

گھردی حالت ݙیکھ کے

ماءشودی لاچارہئی

سارےبال رل کےآکھن

اماں کݙاں لالامرسی

وت جگ ساݙا پیٹ بھرسی

غزل

چوراں دی نگری ہے،چوراں دا راج ہے

خلقت خدا دی، کھاوݨ توں متھاج ہے

رحمت خدادی،کیاگھروچ جو آئی ہے

عمراں داپورھیا،دھیاں داݙاج ہے

اوہاقنون ہے،اوہےاصول ہن

سکھی روٹی،غریباں دا کھاج ہے

خالی تقریراں ہن،یوم مزدوراتے

گارےداتھال،مزدوراں دا تاج ہے

عقل تے شعوردی،نی کوئی ڳالھ کریندا

اوہا سیاݨا ہے،جیندےگھروچ اناج ہے

ہک ݙینہہ اووی آسی،ڄݙاں ݙکھڑےمکسن

ساکوں تاں حیات،سوھݨےرب دی لاج ہے

حیات اللہ خان نیازی

غزل

دھکےدھوڑےچنڳےلڳدن

راہ اچ روڑےچنڳےلڳدن

کلیپاوی کوئی زندگی ہے

ربی جوڑے چنڳےلڳدن

اساں عادی ہاں درداں دے

تازےپھوڑےچنڳےلڳدن

اپݨامارےچھانویں سٹے

رشتےسوڑھےچنڳےلڳدن

سبھ کجھ اونویں سنبھالی وداں

چھلےموڑےچنڳے لڳدن

چلودل تاں خش تھیندے

رستےچوڑھےچنڳےلڳدن

ساکوں او کیویں ڳل لاوےہا

اپݨےتھوڑے چنڳے لگدن؟

حیات اڄ تئیں او نی بھلدے

سنگتی چھوڑے چنڳے لڳدن

حیات اللہ خان نیازی

غزل

جے پیارمُکدے،تاں وَت ساہ مُکدے

جےساہ مُکدے،تاں وَت چاہ مُکدے

جےکھیݙکوں اساں کھیݙنہ سمجھوسے

وَت فَن مُکدے،نالےداہ مُکدے

لڳدےکھُراتاں اپݨےگھردُووینداپے

مُدعامُکدے،وَت گواہ مُکدے

پاݨی تاں زندگی ہے تہوں زندہ ہِسے

نِتاں اَن مُکدے،ساواگھاہ مُکدے

ساݙےسِرداکوئی وی سئیں کوئینی

اےگھرمُکدے،گھرداراہ مُکدے

جےحیات اساں سُجاک تھی پیوسے

درباری مُکدے،وَت بادشاہ مُکدے

حیات اللہ خان نیازی

غزل

چنگابیلی اوکھامِلدے

مطبلی یارسوکھامِلدے

جِتھےاِتباربَہوں ڈھیرہووے

اُتھوں اکثردوکھامِلدے

جیڑااُتوں ہَسداراہندے

اووچوں شوداکھوکھامِلدے

جےمطبل نکل ونجے تاں

اِتھےوت کون چوکھامِلدے؟

اساں ݙوہیں ازما ݙیکھوں

کینداچنڳاپوکھامِلدے

سوال حیات کُجھ ہوندے

جواب اڳوں انوکھامِلدے

حیات اللہ خان نیازی

غزل

پہلےرب کوں اپنڑےاندرڳولوں

وت ونج کےمسجدمندرڳولوں

افراتفری دا اےعالم چھوڑکے

جنگل بیلےونج کےقلندرڳولوں

بُت اِچ عشق ایجھی آتش لائی ہے

یَخ بستہ کوئی سمندرڳولوں

مِٹھاتاں مِٹھاہےجِتھوں لبھے

ڳنےچھوڑکےہُنڑچقندرڳولوں

ڳلی ڳلی پِھرکےیارکوں لبھسوں

ایں کم کیتےڈُگڈُگی بندرڳولوں

جیندےݙوہیں ہتھ حیات خالی ہوون

کیویں اج کل ایجھاسکندرڳولوں

حیات اللہ خان نیازی

تازہ غزل

تصویرتیڈی ٹنگی را ہسوں

تیکوں رب توں منگی راہسوں

زندگی ڈاڈھی رنگین تھیسی

پیاردےرنگ اِچ رنگی راہسوں

سِرتےہتھ رکھ ہُنروعدہ کر

پکےسچے سنگی راہسوں

پِپلیں نال بوہاری ڈیسوں

تیڈےدَردے بھنگی راہسوں

پیاردی رات دا پہرہ ڈیسوں

ہولےہولےکھنگی راہسوں

وَت حیات کُجھ نی بچنڑا

جےہِک بئےکوں ڈنگی راہسوں

حیات اللہ خان نیازی