حکیم فضل حسین ذوق
اصل ناں حکیم فضل حسین
تخلص ذوقؔ
جٖمنْ 1930ء
جاہ پتہ بہاولپور
ذوقؔ صاحب دا شمار بہاولپور دے نمائندہ شاعراں وچ تھیندے۔ آپ شاعری توں علاوہ نثر نگاری وی خوب کریندن ، شاعری دیاں تقریباََ تمام صنفاں لکھدن۔غزل دا نمونہ ڈٖیکھو!
غزل
[لکھو | ماخذ وچ تبدیلی کرو]تیڈٖے ہر ظلم کوں پوجیندا پیاں
وعدہ ازل دا میں نبھیندا پیاں
میڈٖی قسمت دا حال کیا پچھدو
بار اوندے ڈٖتے میں چیندا پیاں
تھی تے بٖڈھا میں کیا ودا ٹرداں
نوجوانی کوں ول گُٖلیندا پیاں
اوندی یاداں دے بٖال تے ڈٖیوے
دل دی دنیا کوں میں وسیندا پیاں
حسن نسرے تاں کون پیا ڈٖیکھے
میں تاں بٖوٹے کوں خون ڈٖیندا پیاں
؎من بھانونْاں ہے لفظ ہر اوندی زبان دا
محبوب ہے اساڈٖا مسیحا جہان دا
فیشن دی ایں وباء توں پریشان ذوق ؔ ہے
جٖانْے کیا تھیونْاں ہے حشر خاندان دا
٭٭٭