حکیم اجمل خان
حکیم اجمل خان دہلوی (پیدائش: 12 فروری 1868ء— وفات: 29 دسمبر 1927ء) طب یونانی دے مشہور طبیب و حکیم ہن۔
خدمات[لکھو | ماخذ وچ تبدیلی کرو]
ماہر طبیب تے سیاسی رہنما ہن. دہلی وچ پیدا تھئے۔ انہاں دے مورث اعلیٰ، شہنشاہ بابر دے نال ہرات توں ہندوستان آئے ہن۔ اکبر دے عہد وچ انہاں دا خاندان دربار شاہی نال وابستہ تھیا۔ اجمل خان دے والد حکیم محمود خان، شاہ عالم دے طبیب خاص حکیم محمد شریف خان دے پوترے ہن۔ حکیم اجمل خان نے قرآن حفظ کرݨ دے بعد عربی و فارسی دی تعلیم حاصل کیتی۔ بعد ازاں اپݨے وݙے بھرا حکیم محمد واصل خاں توں طب پڑھی تے ایں علم وچ اتنی دست گاہ پیدا کیتی کہ ملک دے طول و عرض وچ مشہور تھی گئے۔ 1892ء وچ نواب رام پور دے طبیب مقرر تھئے۔ 1906ء وچ طبی کانفرنس دی بنیاد رکھی۔ ہیں سال مسلم لیگ دے قیام دی تائید کیتی۔ 1908ء وچ حکومت ہند نے حاذق الملک دا خطاب ݙتا۔ ݙو مرتبہ یورپ دا سفر کیتا۔ 1912ء وچ طبیہ کالج قائم کیتا تے 1920ء وچ جامعہ ملیہ دے منتظم اعلٰی مقرر تھئے۔ کانگریس دی مجلس عاملہ نے حکومت دے خلاف سول نافرمانی دی تحریک آپ ہی دی صدارت وچ منظور کیتی ہئی۔ 1921ء وچ خلافت کانفرنس دی صدارت کیتی۔ قوم نے آپ کوں مسیح الملک دا خطاب ݙتا ہئی تے آپ دہلی دے بے تاج بادشاہ سݙیندے ہن۔ ہندو مسلم اتحاد دے پرجوش حامی ہن۔ ملکی سیاست وچ آپ دی رائے خاص اہمیت رکھدی ہئی۔ سیاسی مضامین دے علاوہ طب تے کئی کتاباں تصنیف کیتیاں۔