حکومت قرامطہ

قرامطہ ہک غالی تے باطنی اسماعیلی فرقہ ہئی جیہڑا 899 عیسوی وچ ہک مثالی جمہوریہ قائم کرݨ دی کوشش وچ مشرقی عرب وچ مرکوز گروپ ہئی - ایہ عباسی خلافت دے خلاف بغاوت کرݨ دی وجہ نال مشہور ہن - فرقے دے رہنما ابو طاہر سلیمان الجنّابی‎ نے مکہ مکرمہ تے حملہ کیتا تے اس عظیم تے پاک شہر دی بے حرمتی کیتی. خاص طور تے اتھاں بے شمار لوگاں دا قتلِ عام کیتا- اس خانہ کعبہ توں حجر اسود کوں وی چرایا تے زمزم وچ لوگاں دی لاشاں سٹیاں تے ایہ سب انہاں نے 930 عیسوی دے حج دے دوران کیتا-

قرامطہ دا بیت اللہ تے قبضہ

7 ذی الحجہ 317 ھ کوں بحرین دے حاکم ابو طاہر سلیمان قرامطی نے مکہ معظمہ تے قبضہ کر گھدا، خوف و ہراس دا ایہ عالم ہئی کہ اوں سال حج بیت اللہ نہ تھی سڳا، کوئی وی شخص عرفات نہ ونج سڳا-

قرامطہ ولوں حجر اسود دی چوری

ایہ اسلام وچ پہلا اینجھا موقع ہئی کہ حج بیت اللہ موقوف تھی گیا، ایں ابوطاہر قرمطی نے حجر اسود کوں بیت اللہ توں کڈھا تے اپݨے نال بحرین گھن گیا- ول بنو عباس دے خلیفہ مقتدر باللہ نے ابو طاہر دے نال معاہدہ کر کے فیصلہ کیتا تے تریہی ہزار دینار ݙتے تے حجر اسود خانہ کعبہ وچ واپس کیتا گیا-

حجر اسود دی واپسی

ایہ واپسی 339ھ کوں تھئی، گویا کہ ٻاوی سال تک خانہ کعبہ حجر اسود توں خالی رہا، جݙݨ فیصلہ تھیا کہ حجر اسود کون واپس کیتا ویسی تاں اس سلسلہ وچ خلیفہ وقت نے ہک وݙے عالم محدث عبد اللہ کوں حجر أسود دی وصولی کیتے ہک وفد دے نال بحرین بھجوایا-

ایہ واقعہ علامہ سیوطی دی روایت نال اس طرح نقل کیتا گیا ہے کہ جݙݨ شیخ عبد اللہ بحرین پہنچے تاں بحرین دے حاکم نے ہک تقریب دا اہتمام کیتا جتھاں حجر اسود کوں انہاں دے حوالے کیتا ونجݨا ہئی- ہݨ انہاں نے ہک پتھر جیہڑا خوشبودار ہئی، خوبصورت غلاف توں کڈھا کہ ایہ حجر اسود ہے تے اینکوں گھن ونجو-

محدث عبد اللہ نے فرمایا کہ نہ، حجر اسود وچ ݙو نشانیاں ہن اگر اس وچ ایہ نشانیاں پائیاں ویسن تاں ایہ حجر اسود ہوسی ورنہ نی! ہک تاں ایہ کہ ایہ ٻݙدا نی ، ݙوجھا ایہ کہ بھاہ نال وی گرم نی تھیندا- اس پتھر کوں جیہڑے ویلے پاݨی وچ سٹا گیا تاں ڈب گیا ول بھاہ وچ اینکوں سٹا گیا تاں سخت گرم تھی گیا اتھاں تک کہ پھٹ گیا-

محدث عبد اللہ نے فرمایا ایہ ساݙا حجر اسود نی. ول ݙوجھا پتھر گھنایا گیا، اس دے نال وی ایہو عمل تھیا تے اوہ پاݨی وچ ڈب گیا تے بھا تے گرم تھی گیا. فرمایا کہ اساں اصل حجر اسود ہی گھنسوں- ول اصل حجر اسود گھنایا گیا تے بھاہ وچ سٹا گیا تاں ٹھڈھا نکلا ول پاݨی وچ سٹا گیا تاں اوہ پھل دی طرح پاݨی دے اتے تیرݨ لگا تاں محد ث عبد اللہ نے فرمایا ” ایہو ساݙا حجر اسود ہے تے ایہو خانہ کعبہ دی زینت ہے تے ایہو جنت والا پتھر ہے-"

اس وقت ابو طاہر قرامطی نے تعجب کیتا تے پچھا کہ ایہ ڳالہیاں آپ کوں کتھوں ملیاں ہن۔..؟ تاں محد ث عبد اللہؒ نے فرمایا، ایہ ڳالھیاں ساکوں جناب رسول اللہ صلی اللہ علیہ وسلم توں ملیاں ہن کہ حجر اسود پاݨی وچ نہ بݙسی تے نہ ہی بھاہ نال گرم تھیسی- ابو طاہر نے آکھا کہ ایہ دین روایات توں بڑا مضبوط ہے-

جݙں حجر اسود مسلماناں کوں مل گیا تاں اینکوں ہک کمزور ݙاچی دے اتے لݙا گیا جس تیز رفتاری دے نال اینکوں خانہ کعبہ پہنچایا، اوں ݙاچی وچ زبردست قوت آگئی اس واسطے کہ حجراسود اپݨے مرکز (بیت اللہ) دی طرف ویندا پیا ہئی لیکن جس وقت اینکوں خانہ کعبہ توں کڈھا گیا ہئی تے بحرین گھدی ویندے ہن تاں جس ݙاچی تے لݙا ویندا اوہ مر ویندی حتی کہ بحرین پہنچݨ تک چالیہ اٹھ تے ݙاچیاں اس دے تلے مر گئے- . تاریخی روایات دے مطابق قرامطی دی موت چیچک دی وجہ نال تھئی۔

مزید ݙیکھو

• ابو طاہر سلیمان الجنّابی