حنا (مریم دی اَمّاں)

حَنّہ (حَنّا دے ناں نال وِی ڄاݨی وین٘دی ہِن۔) داؤد علیہ السلام دے گھرانے اَتے ٹَٻَّر وِچُوں ہِن۔ مسیحی ایپوکریفا اَتے اسلام دے مطابق آپ مریم دی اَمّاں اَتے یسوع مسیح دی نانی ہَن۔ مریم دی اَمّاں دے ناں دا ذکر ناں اِی اناجیل اربعہ وِچ ہِے اَتے ناں ہِی قُرآن مجید وِچ ہِے۔ حَنّا دے ناں دا ذکر اَتے یہویاقیم دا ذکر صرف ایپوکریفا عہد ناواں جدید اَتے یعقوب دی پوتھی وِچ ہِے۔ (مسیحی روایت دے مطابق، یعقوب دی پوتھی کُوں یسوع دے بِھرا یعقوب نے لِکّھا ہئی)۔

اسلام وِچ

(عربی: حنۃ) اسلام وِچ وی قابلِ احترام ہِن۔ اسلام وِچ اِنّھاں کُوں رُوحانی تِرِیمت اَتے مریم دی اَمّاں آکھیا وین٘دا ہِے۔ قُرآن مجید وِچ اِنّھاں دا ذکر فاقوز دی دِھی دے ناں نال آیا ہِے۔ ہِک ݙیہاڑے حَنّہ وݨ دے تَلّے ٻیٹھی ہوئی ہَن اِیں نے وݨ اُتے ہِک چِڑی ݙِٹّھی جیڑھی آپݨے ٻال کُوں کھاݨاں کھوِین٘دی پئی ہئی۔ اِیکُوں ݙیکھ تے حنہ دی وی اَمّاں بݨݨ دی مراد جاڳی۔ اُوں نے اولاد کِیتے دُعا کِیتی اَتے اُوہ بالآخر حاملہ تھی ڳئی، اُنّھاں دے پئے عمران ٻال دے ڄَمَّݨ تُوں پہلاں جھوک لݙا ڳیا۔ حَنّہ پئے دے ٹُر ون٘ڄݨ تُوں بعد پُتر دی توقّع کرین٘دے پئے ہَن۔ اُوہ ہیکل دوم وِچ دُعا کرݨ ڳئے اَتے عزم کِیتا جو اِیکُوں ڄَمَّݨ دے بعد اللہ سئیں دی خدمت وِچ وقف کریساں۔ جاں جو پُتر دی بجائے دِھی ڄَم پئی۔ جین٘دا ناں حنّہ نے مریم رکّھیا۔ اِین٘دے ڄَمَّݨ دے بعد حنا کوں احساس تِھیا جو اُوہ تاں پُتر دی آس کرین٘دی پئی ہئی جاں جو اللہ سئیں نے تحفے وِچ دِھی ݙے ݙِتّی ہِے۔ سورۃ آلِ عمران آیت نمبر ٣٦ دے مطابق:

فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنْثَىٰ وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالْأُنْثَىٰ ۖ وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ

ترجمہ:

" ٻَس ڄَݙاں اُوں ہَتھ پَیر لَدّھے تاں اُوں آکھیا جو رَبّ سئیں آں!  مَیں تاں دِھی ڄائی ہے، اَتے اللہ وِی چن٘ڳی طرح ڄاݨدا ہا جو کُجھ اُوں ڄایا ہا، چُھوہِر تاں چُھوہر وانڳوں نھیں تِھی سڳدی (بَہر حال) مَیں اُوندا ناں مریم رَکھیئے اَتے بے شک مَیں اُوکوں تے اُوندی اُولاد کُوں شیطان مَردُود کنُوں تیݙی پناہ وِچ ݙیندی ہاں (٣٦)"

سورۃ آل عمران آیت نمبر ٣٧ دے مطابق:

فَتَقَبَّلَهَا رَبُّهَا بِقَبُولٍ حَسَنٍ وَأَنْبَتَهَا نَبَاتًا حَسَنًا وَكَفَّلَهَا زَكَرِيَّا ۖ كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِنْدَهَا رِزْقًا ۖ قَالَ يَا مَرْيَمُ أَنَّىٰ لَكِ هَٰذَا ۖ قَالَتْ هُوَ مِنْ عِنْدِ اللَّهِ ۖ إِنَّ اللَّهَ يَرْزُقُ مَنْ يَشَاءُ بِغَيْرِ حِسَابٍ﴿37﴾ 

ترجمہ:

"ٻَس اُوندے رَبّ نے اُوکوں ٻَہُوں راضی تھی تے قبول کر گِھدا، اَتے اُوکوں سوہݨیں طرح پالیا پوسیا، کیوں جو او زکریا دِی حفاظت وِچ کر ݙتی ڳئی ہئی، ڄَݙاں کݙائیں زکریا مریم دے کولھ اُوندے حُجرے وِچ ویندا تاں اُوندے کول کھاوݨ پِیوݨ دِیاں شَئیں پِیاں ہویاں ݙیکھدا ہا (ہِک واری) پُچھیُس ، جو اے مریم!  اِیہ تیݙے کِیتے کِتھوں آ ڳیاں ہِن، اُوں آکھیا جو اِیہ اللہ دِی طرفوں آں٘دِئن، بے شک اللہ جِیکوں چَہندے بے حسابا رِزق ݙیندے (٣٧)"

مسیحیت وِچ

مریم، حنا اَتے نِکّے لاء دے یسوع

مسیحیّت وِچ اِیہ مَنّیا وین٘دا ہِے جو حَنّہ دی کہاݨی اَتے سموئیل دی اَمّاں حنّہ دی کہاݨی ٻہوں رَلدی مِلدی ہِے جین٘دے وِچ فرق صرف اِتّی ہِے جو حنّہ نے سموئیل کُوں ڄمایا اَتے حنہ نے مریم کُوں۔ اَتے اِین٘دے تُوں پہلاں حنّہ وی بے اولاد ہئی۔

نگارخانہ

• 
  قبطی، اَٹّھویں صدی، قومی عجائب گھر، وارسا وِچ
• 
  جرمن، پندھرویں صدی۔ حنا مسیح اَتے مریم کُوں چاتے ہوئے۔
• 
  جرمن، پندرہویں صدی، مقدسہ حنہ
• 
  جرمن، سولہویں صدی۔ مقدسہ حنہ دا پتھر دا سر۔
• 
  جرمن، سولہویں صدی۔ مقدسہ حنا دا مزار
• 
  مریم کُوں بشارت، ٻارہویں صدی، کاریہ مسجد، استنبول
• 
  مقدسہ حنا نِکّے لاء دے مسیح اَتے مریم کُؤاری دے نال، سینٹیاگو کومپسٹیلا دے چرچ کیتھیڈرل میوزیم وِچ
• 
  حنہ کُؤاری دے نال
• 
  ہِک فرانسیسی کُؤاری اَتے مقدسہ حنّہ (پندرہویں صدی دے )
• 
  اسپین دی کُؤاری اتے ہِک ٻال حنہ دے نال
• 
  مقدسہ حنہ، برکلن میوزیم
• 
  مقدسہ حنہ نکّے لاء دے یسوع مسیح دے نال
• 
  مقدسہ حنہ اور مقدسہ جینٹ دے نال انّھاں دا مقدس ٹَٻَّر

ٻاہ٘رلے رابطے

• مختصر امریکی کیتھولک مضمون حنا اور عمران پر"آرکائیو شدہ [Date missing] بذریعہ americancatholic.org [Error: unknown archive URL]
• "حنا، یسوع مسیح کی نانی" کلیئر ہارٹسانگ کی کتابآرکائیو شدہ [Date missing] بذریعہ claireheartsong.com [Error: unknown archive URL]
• "سینٹ حنا" Christian Iconography ویب سائٹ میں۔
• "مریم مقدس کُؤاری دا ڄَمَّݨ" گولڈن لیجنڈ کیکسٹن دے ترجمہ نال
• بروتونجيليوم جيمس
• چھدم متی کی انجیل
• Reames, Sherry L. ed.,"Legends of St. Anne, Mother of the Virgin Mary: introduction"، Middle English Legends of Women Saints، Medieval Institute Publications, Kalamazoo, Michigan, 2003
• Welsh, Jennifer. The Cult of St. Anne in Medieval and Early Modern Europe۔ Routledge, 2017.