حقوق کیتے جدوجہد دی اہمیت
جنہاں سیاست کوں جھمر تاڑی روݨ پٹݨ مینہہ تے ساوݨ نال چرس دا سوٹا ول چس دا کلچر سیاسی حقوق دی اوکھی راہ دے متبادل ڈتے او آپ اپݨی عمراں گزار اپݨے ٻالاں دی نوکریاں لوا ہک ہک کوٹھی اسلام آباد بݨوا سرائیکی تحریک ویچ وٹا تے کپڑے چھنڈک تے ٻیٹھن ۔۔۔۔ بھائی صاحب ۔۔۔۔ قومی حقوق سنڄاݨ گھنݨ دی حد تئیں جھمر تاڑی ٹھیک ء پر او سلسلہ مکمل تھیا ہݨ اگلہ مرحلہ آگئے اتھاں قومی حقوق دی سیاسی جنگ شروع ء بقاء دی جنگ شروع ء ۔۔۔۔۔۔۔ قومان اپݨے حقوق جھمر تاڑی نال نئیں گھندے ونج تے پچھو بلوچاں توں سندھیاں توں پختوناں توں کُرداں توں فلسطینیاں توں کشمیریاں توں یہودیاں تون ۔امریکہ دے ریڈانڈینز توں ۔۔۔۔۔ جو جیکر ہک واری جا توں بے جا تھی گیوسے ۔۔۔ ول نسلاں پندے پندے مک ویندن ۔ شہزاد عرفان