حقدار
سرائیکی مائیکروف
لکھت:منصورشانی
حقدار
رات دے ڈو وجدے پئن بیٹ دی چھوٹی مسیت دے وڈے سپیکر اچو روزہ دارو اللہ دے پیارو روزے دا ٹائم شروع تھی گۓ اٹھو روزے دی تیاری کر گھنووو آنونڑ آلی آواز سنڑ کے بکے مراثی وی اپنڑاں ڈھول چا گھدے تے گلیں اچ دئیں دڑائیں دئیں دڑائیں دیاں آوازاں آنونڑ شروع تھی گئن پورے وسبے کوں ڈو بندیں اپڑیں اپڑیں انداز نال اٹھا کھڑاۓ. روزہ بند کرنڑ دا ٹائم آ گۓ مولوی صاحب دا چھی سالہ پتر ڈردا روندا مسیت پج تے پیوء کوں روٹی ونج ڈیندے تے بکا مراثی ہک امیرواں جھگا تاڑ تے اتھو تراۓ روٹیاں, بھاجی دی منگری تے لسی دا جگ منگوا تے روزہ رکھ گھندے. مولوی صاحب سارا ڈینہہ تراویح دی تیاری کیتے نندر دی قربانی ڈتی تے بکےمراثی سم تے ڈینہہ گزار ڈتا. رات کوں مولوی صاحب یارہاں وجے تراویحاں ختم کیتیاں تے ڈو وجے وت اٹھی کھڑے. ماہ رمضان مک گۓ, اج عید دا ڈینہوار ہے مولوی صاحب پتر کوں سمجھیندا بیٹھے ابو تیکوں میں کیا سمجھاواں چھوٹی جھئیں مسیت ہے لوگ گھٹ آندن تے ہدیہ وی گھٹ بنڑیۓ بلکہ اجکل تاں لوگ مولویں کوں ہدیہ ڈیونڑ وی نئ چاہندے میں تیڈا سوٹ کیویں گھناں ہا؟ اڈو بکا مراثی عید دے ڈینہہ دئیں دڑائیں دئیں دڑائیں لائ ودے تے ہک ڈاڑھی مون بڈھڑا ہوٹل تے لئ بیٹھا ایں شودے دا حق بنڑدے ایکوں کشے نہ کشے ڈتی کرو آپنڑیں نندر کوڑی کر تے ڈھولکی وجا تے ساریں کوں اٹھیندے. منصور شانی