حضرت پیر حاجی محمد باقر شاہ رحمۃاللہ علیہ
آپ دا تعلق ساداتِ جیلان نال اے تے سلسلہ نسب حضرت شیخ عبدالقادر جیلانی نال ونج رلدا اے. آپ دے ݙاݙا سئیں کوں خواب وچ حکم تھیا کہ ضلع ملتان دے علاقے جلالپور پیروالہ دے موضع ٻیٹ مغل ونج کے میاں الٰہی بخش بھٹہ کوں تے اوندے گھر والیاں کوں مرید ونج کرو. انہاں آکے بُھٹیاں کوں مرید کیتا تے ایں طرح حیدرآباد، سندھ دا اے پیر گھراݨہ، سرائیکی وسیب وچ آݨ آباد تھیا.
آپ نے اپݨے ݙاݙے دے روحانی مشن کوں اڳوں ودھایا تے مستقل طور تے بہاولپور وچ رہائش اختیار فرمائی. آپ صاحبِ کرامات بزرگ ہن تے آپ دا مزار سمہ سٹہ وچ مرجع خلائق اے.آپؑ دے مریدین دا حلقہ پوری ریاست بہاولپور وچ پھیلا ہویا اے. آپؒ دے مزار دے موجودہ سجادہ نشین پیر احمد شاہ جیلانی ہن جیہڑے معروف علمی شخصیت ہن.