Jump to content

حضرت نوح علیہ السلام

وکیپیڈیا توں
نوحؑ

نوح علیہ السلام اللہ تعالیٰ دے پیغمبر تے رسول ہن۔ آپ نے تقریباً 900 سال تک لوگاں کو اللہ دی طرف سݙا مگر آپ دی قوم دا جواب اے ہئی کہ آپ وی ساݙی طرح عام آدمی ہن اگر اللہ کہیں کوں بطورِ رسول بھڄیندا تاں او فرشتہ ہوندا تے اس وچوں صرف 80 لوگاں نے انہاں دا دین قبول کیتا۔[١] انہاں دی ذال دا ناں واہلہ ہئی۔[٢]

آپؑ دی رسالت عالمگیر ہئی. آپؑ نے اپݨی قوم کوں ٩٥٠ سال تبلیغ کیتی مگر تھوڑے لوگ ایمان گھن آئے. تے نافرمانی تے اڑے ریہے. آخر آپؑ دے آکھݨ تے قوم تے سیلاب دا عذاب آیا تے ساری قوم تباہ تھی ڳئی. اے سیلاب عالمی درجے دا ہئی. آپؑ دا وصال ١٠٢٠ سال دی عمر وچ تھیا.

حیات طیبہ[لکھو | ماخذ وچ تبدیلی کرو]

آدم علیہ السلام دے دنیا وچ آوݨ دے بعد انہاں دی اولاد دنیا وچ خوب پھَلی پھُلی، لیکن ہک مدت گزر ونجݨ دے بعد او لوگ خدا کوں بھل چکے ہن تے ہک خدا دی بجائے انہاں نے مٹی تے پتھر دے کئی خدا بݨا گھدے ہن، نہ صرف انہاں دے عبادت گاہواںں بتاں نال اٹے پئے ہن بلکہ ہر گھر وچ بت رکھے ہوئے ہن جنہاں دی وہ پوجا کریندے ہوندے ہن تے انہاں توں مراداں منگدے ہوندے ہن۔ نوح علیہ السلام نے اپݨی قوم کوں اللہ تعالیٰ دے احسانات جتلا کے سدھے رستے تے چلݨ دی تلقین کیتی تے اس بری راہ توں منع فرمایا، جس تے چلدے پے ہن تے انہاں کوں ایہ وی ݙسیا کہ اگر تساں بتاں کوں چھوڑ کے ہک خدا دی طرف رجوع نہ کیتوہے تاں تہاݙے تے عذاب نازل تھیوݨ دا خطرہ ہے. تے آکھا کہ میکوں اللہ نے تہاݙی طرف اپݨا رسول بݨا کے بھیڄا ہے، اس تے انہاں لوگاں نے نوح علیہ السلام دا تمسخر اڈایا تے آکھا بھلا اے ݙسو کہ تساں نبی کیویں بݨ گئے، تساں تاں ساݙے جیہے گوشت پوست دے بݨے ہوئے ہو تے ساݙے وچ ہی پیدا تھئے ہو، تساں وچ ایسی کیہڑی چیز ہے، جس نال اساں تہاکوں نبی سمجھوں تے اگر خدا کوں نبی ہی بھیجݨا ہئی تاں او کہیں فرشتے کوں نبی بݨا کے بھیج ݙیندا۔ قوم دی ایہ سرکشی تے نافرمانی ݙیکھ کے نوح علیہ السلام نے اپݨے رب کوں پکاریا کہ اے اللہ، میں تاں اس قوم توں تنگ آگیا ہاں، ہݨ توں ہی انہاں توں بدلہ گھن۔

خداوند تعالیٰ نے نوح علیہ السلام کوں حکم ݙتا کہ ہک کشتی بݨاؤ تے اے وی حکم ݙے ݙتا کہ دیکھݨا ہݨ کہیں دی سفارش نی کرنی، ہݨ انہاں تے ضرور عذاب نازل تھی کے رہسی ، نوح علیہ السلام خدا دے حکم دے مطابق کشتی بݨاوݨ وچ لگ گئے۔ جݙݨ کشتی بݨ کے تیار تھی گئی تاں خدا نے حکم ݙتا کہ اپݨے اہل تے انہاں لوگاں کوں کشتی تے سوار کر گھنو جیہڑے میں تے ایمان گھن آئے ہن تے ہر جانور دا ہک ہک جوڑا وی کشتی وچ رکھ گھنو۔طوفان دے بعد آپؑ نے دیگر مومنین دے نال نویں دنیا دا آغاز فرمایا.

حوالے[لکھو | ماخذ وچ تبدیلی کرو]

  1. مجموع فتاوى و رسائل الشیخ محمد صالح العثیمین المجلد الاول - باب الرسل
  2. تفسیر قرطبی،ابو عبد اللہ محمد بن احمد بن ابوبکر قرطبی التحریم،آیت 10