حضرت مجدد الف ثانیؒ

شیخ احمد سرہندی المعروف مجدد الف ثانیؒ (مکمل ناں:شیخ احمد سر ہندی ابن شیخ عبد الا حد فاروقی) (پیدائش: 26 جون 1564ء— وفات: 10 دسمبر 1624ء) ݙاہویں صدی ہجری دے نہایت ہی مشہور عالم و صوفی ہن۔ جیہڑے مجدد الف ثانی تے قیوم اول نال معروف ہن۔ آپؒ دے مشہور خلیفہ سید آدم بنوری ہن.

حالات زندگی

بعض روایات توں ایہ ثابت تھیندا ہے کہ ہر ہزار سال دے بعد تجدید دین کیتے اللہ تعالیٰ ہک مجدد مبعوث فرمیندا ہے۔ چنانچہ علما دا اتفاق ہے کہ عمر بن عبدالعزیز رحمۃ اللہ تعالیٰ علیہ دے بعد ݙوجھے ہزار سال دے مجدد آپؒ ہی ہن. ہیں واسطے آپؒ کوں مجدد الف ثانی آہدے ہن۔

مجدد الف ثانی مطلقاً تصوف دے مخالف نہ ہن۔ آپؒ نے اینجھے تصوف دی مخالفت کیتی جیہڑا شریعت دے تابع نہ ہووے۔ قرآن و سنت دی پیروی تے ارکان اسلام تے عمل ہی آپؒ دے نزدیک کامیابی دا واحد رستہ ہے۔ آپؒ دے مرشد خواجہ رضی الدین محمد باقی با اللہ رحمۃ اللہ علیہ نے ہندوستان وچ تصوف دا نقشبندی سلسلہ متعارف کرایا تے آپؒ نے ایں سلسلے کوں ترقی ݙتی۔

انتقال

ہک ݙینہ بیماری دے دوران وچ فرمایا:

• آج ملاوی کنت سون سکھی سب جگ دیواں ہار (ترجمہ:اج دوست دا روز وصال ہے، اے محبوب میں تمام دنیا کوں ایں نعمت تے قربان کریندا ہاں)۔ بروز منگل 28 صفر 1034ھ مطابق 10 دسمبر 1624ء کوں وصال فرمایا تے ہݨ وی آپؒ دا مزار پرانوار سرہند شریف (انڈیا) وچ مرکزِ انوار و تجلیات ہے۔