حضرت حضرت یعقوب علیہ السلام

یعقُوب (/ˈdʒeɪkəb/; عبرانی: יַעֲקֹב، Yaʿakov ، طبری Jaʕăqob ; "heel"; عربی: يَعْقُوب Yaʿqūb) ݙوجھا ناں اسرائیل، ہک بنی اسرائیل دے بزرگ ہن۔

ولادت با سعادت

آپ دی پیدائش 1653 قبل مسیح وچ کنعان وچ تھئی تے آپؑ دی وفات سنہ 1506 قبل مسیح آپؑ دی زوجہ مطہرہ دا اسم گرامی حضرت لیاہؑ ہئی. آپؑ دی والدہ ماجدہ دا ناں ربیکاؑ ہئی. آپؑ دا ہک وݙا بھرا ہئی جیندا ناں عیسو ہئی. عملی زندگی وچ انہاں دا پیشہ ٻکروال دا ہئی

آپؑ دے اہلِ بیت

آپؑ اللہ دے پیغمبر حضرت اسحاقؑ دے پتر ہن. آپؑ دا ݙوجھا ناں کیونکہ اسرائیل ہئی اس واسطے آپؑ دے ٻارہ پتراں توں بنی اسرائیل دے ٻارہ قبیلے وجود وچ آئے.

سب توں پیارے پتر حضرت یوسفؑ دی جدائی تے ݙوجھے پتراں دا مکر

آپؑ دے سب توں پیارے تے حسین پتر حضرت یوسفؑ نے ہک رات خواب ݙٹھا کہ ١١ ستارے انہاں کوں سجدہ پے کریندن. اے خواب آپؑ دے باقی پتراں کوں پتہ لگا تاں حسد وچ آکے انہاں نے یوسفؑ کوں ہک کھوہ وچ سٹ ݙتا جتھوں ہک لنگھدے ہوئے قافلے والیاں نے ݙیکھ کے انہاں کوں ٻاہر کڈھیا تے اپݨے نال گھن ڳئے.

پتر دے فراق وچ گزرے عرصے دا قصہ

ہک طویل عرصہ یوسفؑ دے فراق وچ گزارݨ دے بعد اللہ نے آپؑ کوں یوسفؑ نال ملوایا تے آپؑ دے ١١ پتراں نے یوسف کوں سجدہ کیتا تے ایں طرح یوسفؑ دے بچپن دا خواب پورا تھیا.

پتر دے مل ونجݨ دا قصہ

حضرت یوسفؑ کئی منازل طے کریندے ریہے، قید وی کٹی تے غلام دے طور تے ویچے وی ڳئے مگر اپݨی قابلیت تے اعلٰی صلاحیتاں دی بناء تے ہک وقت مصر دے حکمران بݨ ڳئے. آپؑ دے دور وچ مصر تے ارد گرد دے ملکاں وچ خوراک دا کال پے ڳیا تے لوگ آپ دے دربار وچ مدد واسطے آندے ہن. انہاں مدد واسطے آوݨ والیاں وچ آپؑ دے ١١ بھرا وی آئے جنہاں کوں آپؑ نے پہچاݨ گھدا تے ایں طرح ہک وقت حضرت یوسفؑ تے حضرت یعقوبؑ دا وچھوڑا ختم تھیا.

تعلیمات

تمام انبیاء دی طرح حضرت یعقوب علیہ السلام دی تعلیمات توحید تے انسان دی فلاح و بہبود ہئی.