حضرت ابو درداء
حضرت ابو الدرداء رضی اللہ عنہ مشہور انصاری صحابی ہن تے آپ تارک الدنیا اصحاب صفہ وچوں ہن ۔ عویمر ناں، ابوداؤد کنیت ، قبیلہ خزرج دے خاندان عدی بن کعب توں ہن. نسب نامہ ایہ ہے، عویمربن زید بن قیس بن امیہ بن مالک بن عامر بن عدی بن کعب بن خزرج بن حارث بن خزرج اکبر. والدہ دا ناں مجتہ ہئی جیہڑے ثعلبہ بن کعب دے سلسلہ نال وابستہ ہن۔ درداء آپ دی بیٹی دا ناں ہے۔[١]
حالاتِ زندگی[لکھو | ماخذ وچ تبدیلی کرو]
ابودرداء ݙوجھے اکابر انصار دے ہک سال بعد 2ھ وچ مشرف باسلام تھئے، اس دی وجہ ایہ ہے کہ انہاں دا اسلام تقلیدی نہ ہئی، اجتہادی ہئی، ممکن ہے کہ ایہ ہک سال مزید غور و فکر تے کاوش و تحقیق وچ صرف تھیا ہووے۔ لیکن قبول اسلام وچ ایہ ہک سال تمام عمر انہاں کیتے لیے تکلیف دہ ریہا فرمایا کریندے ہن کہ ہک پل دی خواہش نفس دیرپا غم پیدا کریندی ہے۔
حضرت عمر نے اپݨے عہد خلافت وچ تمام اکابر صحابہ دے نقد وظائف مقرر کر ݙتے ہن. مجاہدین بدر دی سب توں زیادہ تنخواہ ہئی، ابودرداء مجاہدین بدر وچ داخل نہ ہن لیکن حضرت عمر نے انہاں دا وظیفہ بدریاں دے برابر مقرر کیتا۔ حضرت عثمان دے عہدِ خلافت وچ امیر معاویہ نے انہاں دی منظوری نال انہاں کوں دمشق دا قاضی مقرر کیتا ،کݙہیں کݙہیں جیہڑلے امیر معاویہ کوں باہر ونجݨ دی ضرورت پوندی تاں اوہ انہاں کوں اپݨا قائم مقام بݨا ویندے. دمشق وچ قضا دا ایہ پہلا عہدہ ہئی۔
حضرت ابو درداء فساد وشر توں دور بھڄدے ہن ،شام دا ملک حجاز توں کہیں حال وچ بہتر نہ ہئی لیکن فتنیاں دے زمانے وچ شام ہک حکومت دے ماتحت بہر حال قائم رہا تے حجاز وچ ہر سال نویں فوج کشی دا سامݨا ہئی، ابودرداء دی سکونت شام دا ایہو سبب ہئی، فرمیندے ہن کہ جس مقام تے ݙو آدمی ہک ڳٹھ زمین کیتے منازعت کرن میں اس کوں وی چھوڑ ݙیوݨا زیادہ پسندکریندا ہاں۔[٢]
غزوات وچ شرکت[لکھو | ماخذ وچ تبدیلی کرو]
غزوہ بدر دے دوران او مسلمان نہ ہن اس واسطے اس وچ شریک نہ ہن ، غزوہ احد حالت ایمان وچ پیش آیا، اس وچ نہایت سرگرمی نال حصہ گھدا ،گھوڑے تے سوار تھی کے میدان وچ آئے، آنحضرتﷺ نے انہاں دی شجاعت و بسالت کوں ݙیکھ کے فرمایا :
"نعم انفارس عویمر"
یعنی عویمر کس قدر اچھے سوار ہن۔
احد دے علاوہ دیگر غزوات وچ آنحضرتﷺ دے ناـ شرکت کیتی ، سلمان فارسی نے اسلام قبول کیتا تاں آنحضرتﷺ نے انہاں کوں ابودرداء دا اسلامی بھائی تجویز فرمایا۔[٣]
وفات[لکھو | ماخذ وچ تبدیلی کرو]
ابودرداء مسافرانہ زندگی بسر کریندے ہن. ہجرت دا ٻتیہواں 32ھ سال ہئی کہ ایہ مسافر کاروان سرائے عالم توں وطن مالوف کوں سدھار ڳیا۔