حتمی فیصلہ الیکشن ٢٠١٨

حتمی فیصلہ الیکشن 2018

سوجھل دھرتی واس

17 جون کوں سوجھل دھرتی واس دے ممبران دا اجلاس ڈریٹ ہوٹل تے منعقد کیتا گئے جیندے وچ ضلع راجن پور دی سیاست تے ہوندے وچ سوجھل دھرتی واس دے کردار دے بارے وچ گالھ مہاڑ کیتی گئی اے. سوجھل ممبران آپنڑیں منشور دے مطابق وسیب دی محرومییں دے خاتمے اتے سرائیکی صوبے دے حصول کیتے سیاسی عمل اچ شامل تھیون کوں ہمیشہ ناگزیر سمجھدن. گزشتہ کجھ ڈینہوار توں مختلف سیاسی جماعتیں دی طرفوں سوجھل نال رابطہ تھیندا رہ گئے. صوبہ محاذ دے شریک چیئرمین سردار نصراللہ خان دریشک، سردار علی رضا دریشک ،سردار طارق خان دریشک ، سردار فاروق امان اللہ خاں دریشک نال ڈائیلاگ وی چلدے رہ گن. صوبہ محاذ دے کو چئیرمین سردار نصراللہ خان دریشک نال مذاکرات وچ صوبہ دے ناں تے حدود دے بارے وچ سوجھل نے آپنڑیں تحفظات پیش کیتے جیندے اُتے ہُنیں وعدہ کیتے کہ صوبہ دے ناں تے حدود دے بارے وچ او اعلیٰ سطح تے بھرپور طریقے نال گال کریسن تے ہِیں بارے وچ سوجھل دھرتی واس، سرائیکستان قومی رابطہ کمیٹی تے سرائیکستان گرینڈ الائنس کوں وی آن بورڈ کیتا ویسے ۔ انہیں یقین ڈیوائے کہ او صوبے دے قیام سانگھے آپنڑاں پریشر بنڑائی رکھسن تے عمران خاں دے سو ڈیہنہ وچ عملی اقدامات دے وعدے تے وی عمل کراون کیتے آپنڑاں بھرپور کردار ادا کریسن. مذاکرات دی روشنی وچ سوجھل اجلاس اچ درج ذیل فیصلے کیتے گن.

1⃣ وسیب اچ ن لیگ دی شکست سانگھے آپنڑیں تمام تر صلاحیتیں دا استعمال کیتا ویسی

2⃣ وسیب دے مسائل دے حل اور آپنڑیں صوبے دے قیام سانگھے ضلع راجن پور اچ صوبہ محاذ تے پی ٹی آئی دی حمایت دا فیصلہ کیتا گئے

3⃣ ضلع راجن پور دے تمام امیدواران

🔸سردار جعفر خان لغاری این اے 193

🔸سردار نصراللہ خان دریشک این اے 194

🔸سردار زاھد خان مزاری این اے 195

🔸سردار محسن خان لغاری پی پی 293

🔸سردار حسنین بہادر خان پی پی 294

🔸سردار فاروق امان اللہ خان پی پی 295

🔸سردار طارق خان دریشک پی پی ،296

🔸سردار دوست محمد خان مزاری پی پی 297 دی مکمل طور تے حمایت کیتی ویسی اور بھرپور ورک کیتا ویسی

4⃣ تمام ضلع دی سرائیکی تنظیماں نال رابطہ کرتے الیکشن کمپین دا حصہ بنڑاون کیتے ورک کیتا ویسی

5⃣ پی ٹی آئی دی ضلعی تنظیم نال رل تےصوبہ ریلی، ڈور ٹو ڈور الیکشن کمپین تے کارنر میٹنگز دا انعقاد کیتا ویسے. ہِیں سلسلے وچ پاکستان تحریک انصاف دے ضلعی صدر سئیں عبدالرزاق راجہ تے ضلعی جنرل سیکرٹری سئیں کنور شفیق الرحمان نال مل تے عملی اقدامات شروع کیتے ویسن.

6⃣ سردار وقاص خان دریشک صدر یوتھ ونگ سوجھل دھرتی واس دی طرفوں الیکشن کیمپ دی آفر کوں قبول کیتا گیا تے سوجھل ممبران دی روازنہ دی بنیاد تے کیمپ تے موجودگی اتے ورک اچ شمولیت دے فیصلے دی پذیرائی کیتی گی. سوجھل ممبران دے آپنڑیں فیصلے دے بعد سرائیکستان رابطہ کمیٹی دے کنوینر شیخ عامر فہیم سئیں، سرائیکستان گرینڈ الائنس دے چیئرمین حیدر جاوید سید سئیں اور رانا فراز نون سئیں صدر گرینڈ الائنس کوں اعتماد اچ گھدا گئے. جنہاں نے سوجھل دے فیصلے دی توثیق کیتی اے.انشاءاللہ اساڈی منزل بہوں قریب ہے.

عثمان کریم بھٹہ ایڈووکیٹ جنرل سیکرٹری سوجھل دھرتی واس