حاکم بامراللہ

وکیپیڈیا توں
Jump to navigation Jump to search

ابو الحسین الحاکم بامراللہ، فاطمیاں دا چھیواں خلیفہ تے اسمعیلیاں دا سولواں امام (382ھ تا 411ھ) اے. اسماعیلی حکمران، عزیز دے بعد اس دا بیٹا ابو الحسین الحاکم بامراللہ امام تے خلیفہ بݨا۔ اس وقت اس دی عمر یارہاں سال پنج مہینے ہئی۔ حسبِ سابق فاطمیاں دے دستور دے مطابق عزیز دی موت کوں لکایا گیا ۔ مگر اسماعیلی مذہب دے لوگاں نے حاکم دی امامت کوں تسلیم کر گھدا.

Al-Hakim bi-Amr Allah اسماعیلی مستعلی خلیفہ تے امام حاکم بامراللہ دی ہک خیالی تصویر

اہل سنت دے نال سلوک[لکھو | ماخذ وچ تبدیلی کرو]

حاکم نے اہل سنت دے نال ناروا سلوک رکھا۔ 393ھ وچ اس صواۃِ عید الاضحیٰ پڑھݨ تے بابندی لا ݙتی تے جس پڑھی اونکوں سزا ݙتی گئی۔ تراویح دی نماز موقوف کر ݙتی گئی۔ 395ھ وچ دوکاناں، مکاناں تے قبرستاناں تے سب السلف لکھوایا گیا، اہل سنت اپݨے مکاناں تے رنگین تے منقش تحریراں وچ اپݨے مکاناں تے رنگین تے منقش تحریراں وچ اپݨے بزرگاں تے لعنت ملامت لکھواوݨ تے مجبور کیتے گئے۔ اکثر لوگ جبراً دعوت اسمٰعیلیہ وچ داخل کیتے گئے تے انہاں دی تربیت کیتے دارالحکمۃ بݨایا گیا۔ اس اذان وچ ’ اصلوٰۃ خیر من النوم ‘ آکھݨ دی بجائے ’ حی علی خیر العمل ‘ دا اعلان کیتا، ماہ رمضان کیتے اس حکم ݙتا کہ اوہ ظاہر روایت تے عمل نہ کرن بلکہ حساب نال روزے شروع کرن تے ختم کرن۔ اس طرح دے بہت سارے احکامات اس ݙتے جس نال اہل سنت دی دل آذاری تھیندی ہئی۔

حاکم دا غائب تھیوݨا[لکھو | ماخذ وچ تبدیلی کرو]

حاکم اکثر کھوتے تے سوار تھی کے قاہرہ دے باہر تمام رات گھمدا رہندا ہئی۔ ہک ݙینہہ اس دے نال ݙو خدمت گار ہن۔ اس انہاں کوں واپس بھیج ݙتا تے خود حلوان دے شرقی علاقے دی طرف ٹر پیا۔ جیہرلے اونکوں دیر تھی گئی تاں لوگاں نے تلاش کرݨ دی کوشش کیتی مگر او کہیں کوں نہ ملا۔ البتہ اس دے کھوتے دی لاش تے اس دے خون الودہ کپڑے ملے، مگر اس دا پتہ نی چلا۔ جیہڑے لوگ اس دی محبت تے عقیدت وچ غلو رکھدے ہن اوہ یقین نہ کریندے ہن کہ حاکم مرا ہے۔ انہاں دا خیال ہئی کہ حاکم دوبارہ آسی تے اڄ وی اسماعیلی مذہب دا ایہو عقیدہ اے ۔[١]

حوالے[لکھو | ماخذ وچ تبدیلی کرو]

  1. ڈاکٹر زاہد علی۔ تاریخ فاطمین مصر