جِنسیّت دی محدودیّت
جنسیّت دی محدودیّت یا جنسی آس دی محدودیّت(انگریزی: Hypoactive sexual desire disorder) ہِک ونکی دی بد نظمی ہِے جیڑھی جنسی آس تُوں تعلّق رکھین٘دی ہِے۔ اِیہ گَھٹ یا محدود تِھی سڳدی ہِے۔ کُجھ مطالعیاں وِچ وݙّی عُمر دے مرداں نے جنسی عمل وِچ جُؤاناں دی نسبت وَدھ مطمئن تِھیوݨ دا اعتراف کِیتا بھان٘ویں اُنّھاں وِچ جنسی عمل دی صلاحیّت جیݙی وِی گھٹ ہئی۔ جاں جو وݙّی عُمر دے مرداں نے جُؤاناں دی نسبت جنسی آس دی گھٹائی دا اظہار کِیتا۔ اِنّھاں دی جنسی چاہ وِچ گھٹائی اَصل وِچ اِنّھاں دے جنسی اعضاء وِچ مسئلیاں اُتّے منحصر ہئی۔ اِیں دور وِچ دوائیں جین٘ویں جو سلائیڈ نافل یعنی ویاگرا وݙی عمر دے مرداں وِچ جسمانی ٻِیلے پَن کُوں دور کرݨ کِیتے سَوکھ نال مِل وین٘دیاں ہِن۔ جاں جو ٹیسٹوسٹرون وݙّی عُمر دے مرداں وِچ جنسی آس کپوں وَدھاوݨ وِچ معاون ثابت تِھی سڳدی ہِے ۔ اِین٘ویں اِی کئی واری اِیہ وِی ݙِٹّھا ڳیا ہِے جو مرد آپݨی ذال نال مباشرت کرݨ چاہن٘دا ہِے جاں جو ذال کُوں چِنتا وی نئیں ہون٘دی اَتے اِیہ معاملہ گھروڳے جَھیڑے کُوں پیدا کر ݙین٘دا ہِے اَتے معاملہ طلاق تئیں اَپڑ وین٘دا ہِے۔ اِیں معاملے وِچ تِرِیمت دا قصور نئیں ہون٘دا کیوں جو اِیہ ہِک بِماری ہِے جین٘دے علاج دی پاسے بھال تے طبّی ماہرین بھال ݙیوݨ کِیتے آہْدے ہِن۔ اِیں بِماری دے سوّب اَنج اَنج تِھی سڳدے ہِن: تولیدی اعضاء دی سُوڄ، ٹُھلّا پَن، خوف، ٻیلی دا ناں بھان٘وݨاں، ٻیلی دی عُمر وَدھ ہووݨ، ٻئے ٻال دا خوف، ہارمونز دا گھاٹا وادھا، لَمّی بِماری دے بعد تِھیوݨ آلا ٻِیلا پَن، حرارت وِچ کمی وغیرہ۔
نفسیاتی عناصر[لکھو | ماخذ وچ تبدیلی کرو]
جنسیّت دی محدودیّت دے پس پردہ طبّی عناصر توں انج نفسیاتی عناصر وِی تِھی سڳدے ہِن۔ ڄیکر کہِیں دا جِنسی ٻیلی اِین٘دی لوڑ پوری نئیں کرین٘دا تاں اِیہو جئیں صورت وِچ اِین٘دے کِیتے سِرے تُوں کوئی ترغیب موجود کائے نِھیں، جاں جو اُوہ جنسی سکون حاصل کرِن۔ اِیں منفی کیفیّت نال اُبھرݨ کِیتے اِیہ وِچار کرݨ ضروری ہِے جو ہِک بندے دا ٻیلی اِین٘دے کِیتے کیا کر سڳدا یا سڳدی ہِے اَتے بَھلا فی الواقع جین٘دے نال کہِیں مُݨس دے اندر جنسی تسکین دی تحریک پیدا کرݨ اَتے اُون٘دے تُوں پُچِّھن جو بَھلا اِیہو جِیہاں کُجھ کرݨ وِچ اُنّھاں کوں کوئی اَوکھ تاں ناں تِھیسی۔ ماہرین دے مطابق اِیں معاملے وِچ لوکاں دے ٻیلی کُوں کُھل تے اِیہو جِیہاں طریقہ لبھݨاں چاہِیدا ہِے جین٘دے نال جنسی سکون ہر بندے کِیتے وی ہر مناسب تُوں چنڳی ثابت تِھیوے۔ اِیں کِیتے اِیں حوالے نال ڳالھ مُہاڑ اَتے بے تکلّف ڳالھ مُہاڑ دی لوڑ ہِے۔