جولئیس قیصر

جولیئس قیصر (جولئیس سیزر)

جولیس سیزر (Julius Caesar) (پیدائش جولائی 100 قبل مسیح، وفات 15 مارچ 44 قبل مسیح) رومی سلطنت دا ہک فوجی جرنیل تے حکمران ہئی جس نے رومی سلطنت کوں اتنی توسیع ݙتی کہ اے افریقا توں لا کے یورپ تک پھیل گئی۔

او سکندر اعظم توں بے حد متاثر ہئی تے اس توں ودھ کے فاتح عالم بݨݨ چاہندا ہئی پر دنیا فتح کرنے وچ سکندر اعظم دی ہمسری نہ کرسڳیا۔ سکندر اعظم دی طرح جولیس سیزر وی پیدائشی طور تے مرگی دا مریض ہئی۔ او دورے دی حالت وچ سر دربار بے ہوش تھی ویندا ہئی۔اس نے حریف جرنیل پامپے کوں شکست ݙتی تے اسکندریہ وچ اونکوں قتل کر ݙتا گیا۔

جݙݨ اس نے مصر فتح کیتا تاں اتھوں دی ملکہ قلوپطرہ دے زلفاں دا اسیر تھی گیا تے کافی عرصہ اتھاں مقیم ریہا۔ مصر توں واپسی تے سیزر نے سربراہ مملکت دے طور تے روم دے امور سنبھالے تے شاید اوہو دنیا دا پہلا جرنیل بادشاہ ہئی۔

ہک طرف تاں سلطنت روم دی کونسل نے سیزر کوں اٹلی دے علاوہ سبھے ملکاں دا بادشاہ بݨاوݨاں طے کرکے اس دے تخت تے ٻہوݨ دی تاریخ مقرر کر گھدی، ݙوجھے پاسے اس دے ساتھی مارکوس جونیئس بروٹس نے باقیاں دے نال مل کے اس دے قتل دی سازش شروع کر ݙتی۔ انہاں لوگاں دا آکھݨ ہئی کہ سیزر کوں بادشاہ بݨݨ دا کوئی حق نی کیونکہ بادشاہ بݨݨ روم دے قانون دے خلاف ہے۔ اس نال صرف سیزر ہی روم دے سیاہ و سفید دا مالک بݨ ویندا۔

جولیئس سیزر

15 مارچ 44 قبل مسیح وچ اینکوں سر دربار قتل کر ݙتا گیا۔ قاتلاں دا سربراہ بروٹس ہئی۔ سیزر نے قاتلانہ حملے وچ اپݨے ساتھی دی شرکت ݙٹھی تاں آکھس کہ بروٹس توں وی؟ ول تاں سیزر کوں ضرور مر ونجݨاں چاہیدا اے۔

سیزر کوں قتل کر کے قاتلاں نے اس دے خون وچ ہتھ دھوتے تے آزادی دے نعرے لائے۔

سیزر دے قتل دے نتیجے وچ روم وچ خانہ جنگی شروع تھی گئی جس وچ بروٹس دے تمام ساتھی مارے گئے جبکہ اس خود کشی کر گھدی۔