جنگ دے تباہ کاریاں

تساں اہدو جنگ۔۔۔۔۔تہذیب، ورثہ، سونہڑپ، محبت، پیار،انسانیت کوں تباہ کرڈیسی، جنگ مذاق نی ہوندی!! مرشد، تہاڈی گالھ اصولی طورتے ٹھیک اے،جنگگوں دی کٹھی مردے ہوندن۔۔۔۔۔۔۔۔ جیکر سچوئیشن وچ ڈیکھوں تاں امن ای تہذیب، ورثہ، سونہڑپ، محبت، پیار،انسانیت کوں کھادی ویندے۔۔۔۔۔۔۔۔۔۔میڈا سوال ایہواے جوکیہڑی تہذیب (تل وطنی یا برہیچو)، کیہڑاورثہ (تل وطنی یا برہیچو)،کیہڑا سونہڑپ، محبت، پیار(تل وطنی یا برہیچو)، کیہڑی انسانیت (تل وطنی یا برہیچو)۔۔۔۔۔۔۔۔۔۔۔۔۔۔۔۔۔۔۔ایں سچوئیشن کوہک قیدخانے نال تشبیہہ وی ڈتی ونج سگدی اے جتھاں مکمل طورتے امن اے، پربولنڑتے بندش اے، سویل شام دال روٹی وی ملدی اے پرساجھرے پنجکا وی کھاندے ہیسے، کوتوال چارے پاسے بندوخاں چا تے پھردن تے سُتئیں کوں ڈراوے ڈیندن، جیکر کئی بولنڑدی کوشش کریندے تاں چکی بند کرڈتا ویندے، بیڑیاں پوایاں ویندین یاول گم کرڈتا ویندے۔۔۔۔۔۔۔۔۔۔ ایں سچوئیشن وچ جیکر کئی باہروں قیدخانے تے حملہ کریندے تاں کوتوال اہدے حملہ آورجیل دا امن تباہ کرڈیسی، جیکر امن تباہ تھیسی تاں قیدی فنکار بیرک دی کندھ تے جیہڑیاں انمول تصویراں بنڑائیاں او وی تباہ تھی ویسن، جتھاں تساں کہیں کہیں ویلے جھمرکھیڈدے ہیوے او پڑ وی تباہ تھیسی، دشمن بم سٹ کے تساں ساریں کوں مارڈیسی، آئو میڈے نال تھیوو یکے قیدی، رل مل امن تے پہرہ ڈیووں نتاں کئی نہ بچسی!!(راݨا ابرار خالد)