جنوبی بھارتی ریلوے ہڑتال، 1928ء

1928ء دی جنوبی بھارتی ریلوے ہڑتال، ساؤتھ سنٹرل ریلویز ورکرز یونین دی جانب توں جنوبی بھارتی ریلوے دے 3,100 ملازمین کوں کڈھݨ دے منصوبے دے خلاف عمومی ہڑتال ہئی۔ ایہ ہڑتال 29 جون توں 2 اگست، 1928ء تک چلی تے اس نال افراد تے اموال دا جنوبی ہند وچ حمل و نقل بری طرح سے متاثر تھیا۔ مدراس خکومت تے جنوبی بھارتی ریلوے نے اس دا چھاپے مار کے جواب ݙتا۔ ہڑتال دے زیادہ تر قائدین قید کیتے گئے تے یونین دی مُسَلّمَہ حیثیت ختم کر ݙتی گئی۔

وجوہات تے انجام

1927ء وچ بھارت بھر دی ریلوے کمپینیاں ایہ متفقہ فیصلہ گھن چکیاں ہن کہ افرادی قوت وچ تخفیف کیتی ونجے تاکہ اخراجات وچ کمی تھیوے. اس دے جواب وچ بنگال، ناگپور، گورکھپور ریلوے تے لیلوہ دے ملازمین نے علی الترتیب فروری، 1927ء تے مارچ، 1928ء کوں ہڑتال کیتی۔ اس ہڑتال کوں حکومت دی جانب توں وحشی انداز وچ کچل ݙتا گیا ہئی۔ جݙݨ مایاورم وچ 5000 ہڑتالی ملازم پٹریاں تے لیٹ گئے ہن، پولیس نو ملازمین کوں گرفتار کر ڳئی تے ٹرین کوں رکوا ݙتا۔ مایاورم ہی وچ پتھراؤ دے جواب وچ پولیس دے ہتھوں ہک قتل کیتا گیا ہئی۔ ایہ پتھراؤ دا سبب کونے نامی چرواہے دی غیر متعلقہ کارروائی ہئی جینکوں ٹیوٹی کورن وچ ہک الگ پتھراؤ دے دوران فرانسیسی طرز دے تیزدھار چاقو بایونیٹ دے ذریعے قتل کر ݙتا گیا ہئی۔ ویلوپورم وچ چھ لوگاں دی موت تھی گئی تے ٻاویہہ زخمی تھی گئے۔

2 اگست، 1928ء تک معمولی واقعات رونما تھیندے ریہے، تݙاں ساؤتھ انڈین ریلوے ورکرز یونین تے سرکاری طور تے پابندی عائد کر ݙتی ڳئی۔