جناح ائرپورٹ، کراچی تے حملے دا واقعہ

8 جون 2014 کوں کراچی، پاکستان دے جناح انٹرنیشنل ائرپورٹ تے 10 دہشت گرداں نے حملہ کیتا۔ کل 31 افراد بشمول 10 دہشت گرد ہلاک تھئے جبکہ کم از کم 18 افراد زخمی تھئے۔ 8 جون کوں حملہ 11 وڄ کے 20 منٹ پرتے شروع تھیا تے 9 جون کوں صبح 4 وڄے ونج کے ختم تھیا۔ 10 حملہ آور وین تے سکیورٹی چوکی توڑ کے اندر پہنچے تے کارگو ٹرمینل تے حملہ کر ݙتا۔ حملے وچ خود کار ہتھیار، دستی بم، راکٹ پروپیلڈ گرنیڈ تے دیگر دھماکا خیز مواد استعمال تھیا۔

سینکڑاں کمانڈوز ائیرپورٹ پہنچ کے حملہ آوراں سے نبرد آزما تھی گئے۔ ابتدا وچ حملہ آوراں نے ٹارمیک تے رن وے تے قبضہ کر گھدا ہئی۔ چند گھنٹیاں وچ ہی 10 وچوں 8 حملہ آور کارروائی دے نتیجے وچ مارے گئے جبکہ ݙو افراد نے فرار دی راہ نہ ملدے ہوئے خودکش جیکٹ پھاڑ کے خودکشی کر گھدی۔ ائیرپورٹ دا محاصرہ 5 گھنٹے بعد ختم تھی گیا۔ کل 31 افراد ہلاک تھئے جنہاں وچ 10 دہشت گرد وی شامل ہن۔ کجھ لوک جنہاں نے حملے دے دوران جان بچاوݨ واسطے ائرپورٹ دے کولڈ روم پناہ گھدی مگر کولڈ روم دے لاک تھی ونجݨ دی وجہ نال او ٻاہر نہ نکل سڳے تے فوت تھی ڳئے. اگرچہ او فون تے اپݨے رشتہ داراں نال رابطہ وی کریندے ریہے مگر انہاں دے رشتہ داراں یا دوستاں دی رسائی نہ ہووݨ تے عملے دی سستی دی وجہ نال او تمام افراد موت دے منہ وچ چلے ڳئے جیہڑے کولڈ روم وچ پناہ گھدی پئے ہن تے اتھوں دا منفی درجہ حرارت برداشت نہ کر سڳے.

تحریک طالبان پاکستان نے حملے دی ذمہ داری قبول کیتی تے اینکوں اپݨے سابقہ سربراہ حکیم اللہ محسود دے قتل دا بدلہ قرار ݙتا جیہڑا ہک ڈرون حملے وچ نومبر 2013 کوں شمالی وزیرستان وچ مارا گیا ہئی۔

انڈیا دی وزارت خارجہ امور نے اس حملے دی مذمت کیتی جبکہ انڈین ہائی کمشنر برائے پاکستان نے آکھا "اساں کراچی دے دہشت گردانہ حملے دی سختی نال مذمت کریندے ہیں تے ایہ علاقائی سالمیت تے استحکام کیتے بڑا دھچکہ ہے "۔ انہاں نے اس حملے وچ کہیں وی قسم دی انڈین معاونت دی تردید کیتی۔