جمیل عدم

ڄمیل عدم سرائیکی زبان دا شاعر ہے۔

ڄم پل

٢٩ اگست ١٩٧٨ء کوں چاچڑاں شریف تحصیل خان پور ضلع رحیم یار خان وچ ڄمے

نمونہ کلام

ݙوہڑے

ساݙے دل ، دماغ تے یادیں دی وت گهل پئی تیز اندهاری

ساݙے جیندئیں جی دلبرساݙے چا ساݙی یاد وساری

لحظے وچ دل کهسوائی هاسے اے ݙیکهه کے صورت پیاری

ساݙی سنگت رسوا کر چهوڑی واہ عدم تیݙی یاری

٢۔۔ تیݙے قول ضمانت زندگی دی کیویں قول اقراروساراں  تیݙیاں باہیں گل دے چندن هن کیویں گل دے هار وساراں  توں اتنا زیادہ یاد آندیں تیکوں جتنا یار وساراں  شالا عدم پھڑک تے مر پوواں تیݙا جیکر پیار وساراں 

غزل

میݙے حال دا ہے واقف میݙا حال جاݨدا ہے

میݙے نال منسلک تهئی هر گال جاݨدا ہے

جیڑها ہݨ وسر ڳیا ہے کہیں وقت اهدا ها او

شہ رگ توں وی زیادہ میکوں نال جاݨدا ہے

جیویں جهٹ گزردےپئےهن شاهد سبہےگواہ هن

هر شام ݙینہہ مہینہ هر سال جاݨدا ہے

اوندی مونجهه نئیں سنبهلدی مونہہ زورہےزناور

دهݨ مال دا سنبهالݨ دهݨوال جاݨدا ہے

نکهڑݨ اسان کائنی نکهڑݨ عذاب هوندے

بهائیوال دے خسارے بهائیوال جاݨدا ہے

تیݙے رول ایں ملنگ کوں عدم تیݙی گلی دا

هر کہیں دے ہتهه دا پتهر هر بال جاݨدا ہے

غزل

دریں دا ٹب اسر گئے چیتا کهنیج ڳیا ہے 

میݙی زندگی دا حاصل پورهیا ونجیج ڳیا ہے

کہیں وقت هݨ اے لاشہ ݙیکهیں دھڑام تهیسی 

کمزور تن دا کهوکها اندروں کهویج ڳیا ہے 

نبضاں وی چپ دیاں چپ هن دهڑکن داشورکائنی 

ات گهت ہے دل دے بارے لگدے مریج ڳیا ہے

تہمت اوندے حصے دیاں بدنامیاں جو چاتین 

میݙی لج لجیج گئی اے اوندا کج کجیج ڳیا ہے

اوندے خار پهل سمجهه تےگل دےمیں هار کیتم 

میݙی وفا دے سر توں قرضہ لہیج ڳیا ہے

ہنجوں دا تار پاݨیں جے دان تهئے تاں قسمت

چلو پیار دے ثمر دا ذائقہ چکهیج ڳیا ہے

تجویز کرگهدے جو کیڑها ناں میں اونکوں ݙیواں 

بےدرد بےمروت اوندا ناں رکهیج ڳیا ہے

عدم نہ کجهه بیا لکهه قلم کوں روک ݙے هݨ

ایہو ݙهیرکرسمجهسی جیڑهاکجھ لکهیج ڳیاہے 

جمیل عدم