جمہوریہ آئرلینڈ

Flag of Ireland پرچم

جمہوریہ آئرلینڈ براعظم یورپ وچ جزائر برطانیہ وچ جزیرہ آئرلینڈ تے واقع ہک ملک ہے۔ جزیرہ آئرلینڈ دا تقریباً 80 فیصد حصہ جمہوریہ آئرلینڈ دے تحت ہے۔ ڈبلن اس دا سب توں وݙا شہر تے دارالحکومت ہے۔ اس ملک دی مجموعی آبادی تقریباً 47 لاکھ ہے، جیندے وچوں ہک تہائی ڈائلن میٹروپولیٹن علاقے وچ آباد اے. اس دے شمال وچ شمالی آئرلینڈ واقع ہے جیہڑا مملکت متحدہ دا حصہ ہے۔ 1973ء دے بعد توں ایہ یورپی یونین دا رکن ہے۔ ایں ملک دی سرکاری زبان آئرش تے انگریزی ہن.

تاريخ

آزادی توں قبل آئرلینڈ وی مملکت متحدہ دا حصہ ہئی۔ 21 جنوری 1919ء کوں اس برطانیہ توں آزادی دا اعلان کیتا، تے دسمبر 1921ء کوں اینگلو-آئرش معاہدے دے تحت اس دی خود مختاری دا فیصلہ کیتا گیا۔ 18 اپریل 1949ء کوں آئر لینڈ کوں جمہوریہ دا ناں ݙتا گیا۔ لیکن اس دا ہک حصہ ہݨ وی مملکت متحدہ دے تحت آندا ہے جینکوں شمالی آئرلینڈ آکھا ویندا ہے۔ 1 جنوری 1973ء کوں ایہ یورپی اقتصادی کمیونٹی دا حصہ بݨا۔