جزیرہ نما آئبیریا

جزیرہ نما آئبیریا
رقبہ:	596,740 مربع کلو میٹر
محل وقوع:	جنوبی یورپ
حیثیت :	کئی ملکاں دے زیر انتظام ہک جغرافیائی خطہ

جزیرہ نما آئبیریا یورپ دے انتہائی جنوب مغرب وچ واقع ہے۔ ایہ یورپ دے ترئے جزیرہ نماواں (جزیرہ نما بلقان، جزیرہ نما اٹلی تے جزیرہ نما آئبیریا) وچوں انتہائی جنوب تے مغرب وچ واقع آخری جزیرہ نما ہے۔ جنوب تے مشرق وچ اس دی سرحداں بحیرہ روم تے شمال تے مغرب وچ بحر اوقیانوس نال ملدیاں ہن۔ جزیرہ نما دے شمالی علاقے وچ کوہ پائرینیس ہے جیہڑا اینکوں یورپ نال منسلک کیتے ہوئے ہے۔ جنوب وچ افریقا دا شمالی ساحل اس دے قریب واقع ہے۔ 582،860 مربع کلومیٹر تے پھیلا ہوا جزیرہ نما آئبیریا یورپ دا تیسرا وݙا جزیرہ نما ہے۔

جزیرہ نما آئبیریا وچ مندرجہ ذیل ممالک شامل ہن:

• پرتگال: جزیرہ نما دے مغربی علاقے وچ واقع ہے.
• اسپین: جزیرہ نما دا بیشتر حصہ (وسطی، مشرقی تے شمال مغربی علاقہ) اسپین وچ شامل ہے.
• انڈورا: فرانس تے اسپین دے درمیان سرحد تے کوہ پائرینیس دے درمیان ہک چھوٹی جیہی ریاست.
• جبل الطارق یا جبرالٹر: اسپین دے جنوب وچ بحیرہ روم دے ساحلاں تے برطانیہ دے زیر قبضہ علاقہ