جزائر انڈمان و نکوبار

انڈمان و نکوبار بھارت دے مرکزی زیرِ انتظام علاقہ جات ہن۔ ایہ جزیریاں تے مشتمل ہن تے خلیج بنگال وچ واقع ہن۔ انہاں دا شمار جنوبی ہند وچ کیتا ویندے۔ زیادہ تر تامل، ملیالم تے انڈمانی زباناں ٻولے ویندن۔ 2011ء بھارتی مردم شماری دے مطابق انڈمان و نکوبار دی آبادی 379,944 ہئی۔ جنہاں وچوں 202,330 ( کل آبادی دا 53 فیصد ) مرد ہن تے 177,614 ( کل آبادی دا 47 فیصد) خواتین ہن۔ جنوبی ایشیاء وچ صرف انڈمان اوہ جگہ ہے جتھاں زندہ آتش فشاں پایا ویندے۔ ماضی دی بدنام ترین جیل کالا پاݨی انڈمان وچ ہی واقع ہے تے برطانوی استعمار دی یاد تازہ کریندی ہے۔ انہاں جزائر وچ ملیریا بہت عام ہے۔