جاوید آصف دی نویں کتاب دا عنوان
نویں کتاب نواں عنوان
سرائیکی متھالوجی محقق جناب محمد جاوید آصف چینی کہاوت ہے جیڑھا شخص کتاب پرھنڑ دا 3 ڈہیں ناہگا کریسی ہوندے الا دی مٹھاس مک ویسی کتاب انسانی زندگی دی لازمی ضرورت ہے ایں جگ دنیا اچ جاوید آصف دی کتاب سرائیکی زبان دی پہلی کتاب ہے جیڑھی ہیں عنوان نال آبرو دا بوچھنڑ پا تے سینگیں سہیلیں وچ چہکدی مہکدی ودی ہے جاوید آصف زیرک زہین محنتی تے وقت ویلہے دا حساب رکھنڑ الا آدمی ہے بے مثال شاعر لاجواب کہانی کار کامیاب افسانہ نگار تے ہنڑ ایں نویں کتاب چپھنڑ توں باعد محقق دا ترا پایوس تے پا ٹھمکایوس ہک خاص صفت مہمان نواز یاریں دا یار آصف دی یاری اچ ما دی ممتا دے پیار دا احساس تھیندے آصف دیاں ڈھیر کتاباں ہن ہک شعری دا مجموعہ اے افسانے دی کتاب اے بی کہانی دی بک ہے اے چوتھی کتاب اے میں جاوید کوں اکھساں بس کر آسمان توں چار کتاباں ائین 5 جویں نہ لکھیں اسمان نال برابری نئی چھکدی جاوید آصف دی نسر چھاچھڑ نئیں دے وانگوں وگدی ویندی پندھ کریندی ہے ایں کتاب دے ہک سو 12 صفحے ہن اطریں دے ککھ ہوندن منڑ نئی ہوندے جاوید آصف کاغزیں دا ڈھگ کٹھا نئی کتا ہیرے موتی تے قیمتی نگ جوڑین باقی کل. (تاج محمد گوپانگ، ٨ دسمبر ٢٠١٨ء)