تل وطنی

تل وطنی عابد عمیق دی نظماں دی کتاب ہے، جیکوں رُت لیکھا، لہور نے چھاپیا ہے۔ اٰن کتاب دے ١١٧ صفحے ہن۔ ایہ کتاب ٢٠٠٠ء وچ چھپی ہے۔ عابدعمیق دیاں تل وطنی دیاں سرائیکی نظماں اندرون ملتان دی ڈکشن وچ وسیبی ڄاݨ وندی، اندھارے وچوں سوجھلے وچ آوݨ، اتے آپݨے آپ الاوݨ تے پُچھ ݙس کرݨ دا ہک ٻہوں مُل وندر ورتاوا لڳدن۔ اُوندیاں ڈگیر نظماں دی وُݨت وچ افرمیشن یا سوالیہ نشان یا پُچھ ݙس دے نال نال تنقید کیتی ڳئی ہے۔ نظماں دے ٹائٹل تے اُوندیاں نظماں آپ وی مختصرنویسی دی مثال ہن۔ انہاں نظماں وچ جڳ اُتے جیوݨ دے کنسپٹ ویلیو سسٹم دے بارے ڳالھ کریندے۔ عابد دیاں نظماں سوال کنوں شروع تھیندیاں ہن۔ جیڑھیاں آپݨے آپ کنوں سوال کریندیاں ہن۔ کتھاہیں او انہاں سوالاں دا جواب وی ݙیندے مثال کیتے "تل وطنی" دی نظم ݙیکھو:۔

؏ کیا کُجھ ساݙا تل وطنی ہے

ایہ نروار تاں اوکھا ہے

اچھا سوچو

جیویں دریا تل وطنی ہن