تحصیل جتوئی

تحصیل جتوئی ضلع مظفر ڳڑھ دے ترئے تحصیلاں وچوں ہک ہے۔ ایں تحصیل دا صدر مقام جتوئی شہر ہے۔ 16 یونین کونسلز تے مشتمل تحصیل جتوئی دریائے سندھ تے دریائے چنانہہ دے درمیان پھیلی ہوئی ہے۔ اتھاں جتوئی، لغاری، لسکاݨی، کورائی، ݙاہا، راجپوت، ارائیں، غزلاݨی، رݨوجہ، جوئیہ تے دیگر کئی اقوام وسدن۔ 2017ء دی مردم شماری دے مطابق جتوئی تحصیل دی آبادی ست لکھ چوݙاں ہزار نفوس تے مشتمل ہے۔ ملحقہ علاقہ جات جھڳی والہ، کوٹلہ گانموں، کھنڈر میراݨی، سبائے والا، پرمٹ چوک، شہر سلطان، کلروالی، قادر پور، بکائݨی، ٻیٹ دریائی، ٻیٹ میر ہزار، لنڈی پتافی، رامپور تے وستی کورائی وغیرہ شامل ہن۔