تحسین بخاری
تحسین بخاری سرائیکی شاعر ہے۔
ڄم پل
[لکھو | ماخذ وچ تبدیلی کرو]پہلی اکتوبر ١٩٧٧ء کوں رحیم یار خان وچ ڄمے۔
تعلیم
[لکھو | ماخذ وچ تبدیلی کرو]پنجاب یونیورسٹی لہور وچ پڑھے۔
پیشہ
[لکھو | ماخذ وچ تبدیلی کرو]- روزنامہ اوصاف وچ کرائم رپورٹر ہے
- مخدوم سید احمد محمود دا میڈیا ایڈوائزر ہے۔
کتاباں
[لکھو | ماخذ وچ تبدیلی کرو]نمونہ کلام
[لکھو | ماخذ وچ تبدیلی کرو]غریب دی عید
[لکھو | ماخذ وچ تبدیلی کرو]ݙیواں کیجھا حال بھتار تکیوں سب ݙیکھدا پئیں ݙکھ کیا پچھدیں
ݙکھ عید دے ݙینہہ میݙے گھر آڳے غم میل کرھئیں ݙکھ کیا پچھدیں
تیݙے محل ݙے رہ ڳی دید میݙی ݙینہہ ڈھلدے تئیں ݙکھ کیا پچھدیں
میݙے بالیں ݙے لپ سیویں دی پٹھی تئیں وی نئیں ݙکھ کیا پچھدیں۔
منہ ݙیکھ نماݨاں بالیں بالیں دا رو وقت گزاریم عید دے ݙینہہ
منگیے عید دے کپڑے بالیں تاں چھک چاٹاں ماریم عید دے ݙینہہ
کلام۔تحسین بخاری
پردیس دی عید
[لکھو | ماخذ وچ تبدیلی کرو]اساں وطن توں دور مسافر ہئیں توں عید منا ساݙی عید کیہی
اساں راہ رلدے ساݙیاں سب خوشیاں تھیاں خاک سوا ساݙی عید کیہی
لڳی وطن دی سک لب کھل بھل ڳے بیٹھوں نیر وہا ساݙی عید کیہی
اساں کہیں دے وطن تے بے وطنے خود سوچ بھلا ساݙی عید کیہی
اساں عید دے ݙینہہ تحسین تیݙی تصویر تےدل وندلائ رہ ڳیوں
تیݙی یاد دی چادر تاݨ کرھئیں تیݙی مونجھ کوں سینے لئ رہ ڳیوں
عید
[لکھو | ماخذ وچ تبدیلی کرو]لنگھی پچھلی کلھیپے وچ آ ݙھول مٹھا میݙی عید تھیوے
اکھیں دگ ݙہدین تیݙا شام فجر میکوں نہ ترسا میݙی عید تھیوے
کھڑے کھلدن ݙیکھ رقیب میکوں نہ غیر کھلا میݙی عید تھیوے
نتاں روندییں مر تحسین ویساں ہیں عید تے آ میݙی عید تھیوے
(تحسین بخاری)