تالپور

تالپور سندھ اچ آباد ہک بلوچ قبیلہ اے ۔

بلوچ قبیلہ تالپور جنہاں دا جد امجد شہداد تالپور ہئی۔ جݙاں بلوچ کلہوڑا فوج وچ بھرتی تھئے تاں شہداد تالپور سپہ سالار بݨ ڳیا۔ بعد وچ کلہوڑیاں نے تالپور سرداراں کوں قتل کروا ݙتا۔ تالپوراں نے جنگ ہالانی (1783ء) وچ کلہوڑیاں کوں ہرا کے سندھ تے قبضہ کر گھدا۔ انہاں دے چھی حکمراناں نے 1843ء تک حکومت کیتی تے سندھ وچ ترئے ریاستاں حیدرآباد، میرپور خاص تے خیرپور قائم کیتیاں پر انہاں ریاستاں وچ اتحاد کائناں ہئی۔ کجھ عرصہ کابل کوں خراج ݙیندے رہے۔ پہلی افغان جنگ (1838ء - 1842ء) وچ حیدرآباد تے میرپور خاص توں انگریزاں دے تعلقات خراب تھی ڳئے البتہ خیرپور نے انگریزاں دی حمایت کیتی۔ 1843ء وچ برطانوی فوج نے چارلس جیمز نیپئر دی کمان وچ حیدرآباد تے میرپور خاص دے تالپوراں کوں میانی دی خونریز جنگ وچ ہرا کے پورے سندھ تے قبضہ کر گھدا، جیہڑا پاکستان دی آزادی تک برقرار رہیا۔