تاریخ ائمہ اہل بیت

ائمہ اثنا عشریہ یا بارہ امام شیعہ فرقیاں بارہ امامی، علوی تے اہل تشیع دے نزدیک پیغمبر اسلام حضرت محمد صلی اللہ علیہ و آلہ و سلم دے سیاسی تے روحانی جانشین ہن۔ شیعی نظریئے دے مطابق ایہ بارہ حضرات بنی نوع انسان دے کیتے ناصرف مثالی، عدل و انصاف دے نال حکومت کرݨ دا حق و اہلیت رکھدے ہن بلکہ اوہ شریعت تے قرآن دی وی اکمل تاویل کرسکدے ہن۔ حضرت محمد صلی اللہ علیہ و آلہ و سلم تے انہاں ائمہ دی سنت دی پیروی انہاں دے مریداں کوں ضرور کرنی چاہیدی اے تاکہ اوہ غلطیاں تے گناہواں توں بچ سکن، امام ہوݨ کیتے ضروری ہے کہ اوہ گناہ توں معصوم تے غلطیاں توں پاک ہوون تے انہاں دی نبی کریم صلی اللہ علیہ وسلم نال جانشینی گذشتہ امام دی نص (وصیت) نال ثابت ہووے۔

ائمہ شیعان اثنا عشریہ

شیعہ امامیہ اثنا عشریہ دے سیاسی تے روحانی نظریات دے مطابق حضورؐ دے وارث حضرت علی تے انہاں دے یارہاں جانشین ہن تے ایں حساب نال ائمہ دی کل تعداد ٻارہ اے جنہاں دی تاریخ تے سوانح درج ذیل اے.

• 1.امام علی المرتضیٰ، 600ء توں 661ء
• 2.امام حسن مجتبیٰ، 625ء توں 670ء
• 3.امام حسین، 626 ء توں 680ء
• 4.امام زین العابدین، 658/659ء توں 712ء
• 5.امام محمد الباقر،677ء توں 732ء
• 6.امام جعفر الصادق، 702ء توں 765ء
• 7.امام موسیٰ الکاظم، 744ء توں 799ء
• 8.امام علی الرضا، 765ء توں 817ء
• 9.امام محمد التقی، 810ء توں 835ء
• 10.امام علی النقی، 827ء توں 868ء
• 11.امام حسن عسکری، 846ء توں 874ء
• 12.امام محمد المہدی، ولادت 868ء ، بطور امام بحالتِ غیبتِ کبرٰی، (امام العصر) بمطابق شیعہ اثنا عشریہ

بارہ امامی شیعاں دے نزدیک بارہ امام، انبیا کرام دے روحانی تے سیاسی وارثین ہن جنھاں نے انھاں کوں عقل، علم و حکمت سکھائی ہے نیز انہاں دی پیروی وچ مصائب برداشت کرنا انہاں دے پیروکاراں دے نزدیک ہک اہم خوش نصیبی ہے جیہڑی خدا دی جانب توں بخشی ویندی ہے۔