بینزائن

1,2ڈی ہائیڈرو بینزین (C6H6) تے ایندے کنوں ڳھدے ڳئے مرکب بینزائن سݙویندے ہن۔ ایرائن وی انہاں ݙوجھا ناں ہے۔ بینزائن نیوٹرل ہوندے ہن ، انہاں تے کوئ وی چارج کینی ہوندا۔ ایہ ٻہوں ڈھیر ری_ایکٹو ہوندے ہن۔ انہاں کوں اساں بینزین رنگ دے ݙو آرتھو پوزیشن آلے سبسٹی چوینٹ کڈھ کرائیں حاصل کریندے ہائیں۔ انہاں وچو ہک الیکٹروفائل ہوندے، تے ݙوجہا نیوکلیوفائل-

ساخت

بینزائن ٹرپلٹ دے ݙو پائ بانڈ ہوندے ہن۔ ہک نارمل تے ݙوجھا ایبنارمل - ایبنارمل پائ بانڈ ݙو sp2 مداریں دی دائرے دے ٻاہر ملݨ نال بݨڑدے۔ایہ پائ بانڈ ٻاہرلہ یعنی ایکسٹرنل پائ بانڈ سݙویندا ہے۔ ایہ ٻاہرلہ ملاپ فائدے مند نہیں ہوندا۔ ات ڳالھوں نواں بانڈ ٻہوں گرا ہوندے۔ تہوں ایہ ٻہوں ری ایکٹوو ہے۔

بینزائن دی تیاری

1. ایرائل ہیلائیڈز

ایرائل ہیلائڈز کوں طاقتور اساس/بیس جیویں جو KNH2 , C6H5Li نال ری ایکشن کروایا ویندے۔ تاں جو ساکو بینزائن ملدے۔

2- او-امائینوبینزوئک ایسڈ نال تیاری

اے ٻہوں سوکھا طریقہ ہے۔ ڈائ ایزوٹائزیشن ہوݨ دے بعد، ڈائ ایزو مرکب ہی بینزائن بݨڑا ݙیندے۔

3-فتھالائل پرآکسائڈ نال تیاری

سوجھلے نال فتھالائل پرآکسائیڈ ، لیکٹون انٹرمیڈیٹ بݨا ݙیندے۔ ول ایہو انٹرمیڈیٹ بینزائن ونڄ بݨڑیندے۔

4- بینزوتھائ ڈائیازویٹ-1,1-ڈائ آکسائیڈ

بینزوتھائ ڈائیازویٹ-1,1-ڈائ آکسائیڈ کوں گرمائش ݙیوݨ نال، بینزائن ملدے۔

5- بینزین ٹرائ فلورو میتھین سلفونیٹ

بینزین ٹرائ فلورو میتھین سلفونیٹ کوں طاقتور اساس نال تعامل کرایا ویندے تاں جو بینزین حاصل تھیندے۔

حوالے

Vardhman Mahaveer open university,Kota. MscCH-06 Title: Reaction Mechanism, Pericyclic Reaction, Organic Photochemistry, Stereochemistry... PAGES: 40&41