بھیݙ تروٻی
بھیݙ تروٻی
اے کھیݙ ݙو کھݙکار کھیݙدے ھن. دیہاتاں وچ ایہو جیہاں کھیݙے وݙے شوق نال نینگر کھیݙدے ھن. ایں کھیݙ وچ زیادہ تر پنڈ دیاں ڳٹکاں ورتایاں ویندن. ہک تندیر وچ پنج، ست یا ناؤں پلیاں ہک پاسوں تے اوھے جتلی پلیاں ݙوجھے پاسوں ماریاں ویندن. اتے ہک ہک پلی انہاں دی سراندی کول ماری ویندی ھ. اتے ہر کھݙکار اپڑیاں اہڑیاں ڳٹکاں چاامدے. اے پلیاں کجھ ایں ترتیب وچ ہوندن
ول ایں کھیݙ دا منڈھ ٻدھیندے. ݙوہیں کھݙکار اپڑیں اپڑیں پاسے دیاں پلیاں چݨ گھندن تے انہاں وچ پنج پنج ڳٹکیں سٹ ݙیندن. تے سراندی آلیاں پلیاں خالی چھوڑ ݙیوندین. ول ہک ٻئے دی رضا مندی یا ٹاس، بجھارت پا تے کھیݙ شروع تھیندی ھ. جیہڑا جت ویندے او کھیݙ شروع کریندے. او اپڑیں کہیں ہک خانے توں ڳٹکاں چا تے سجے ہتھ دے پھیر تے چلدے تے ہر پلی وچ ہک ڳٹک سٹیندے امدا. سراندی آلیاں پلیاں توں پہلے ڳٹک مک پووے تاں اوندے وچ ہتھ نال ٹھاکہ مار اڳلے خانے دیاں ڳوٹیاں چا گھندے جے ݙو خانے خالی ہونون تاں واری مک ویندی ھ تے ݙوجھے کھݙکار دی واری آ ویندی ھ.اتے اے چکر ایویں چلدے پیا. جݙاں جیہڑے پاسے دی پلی وچ ناؤں ڳٹکاں تھیسن تاں او کھݙکار او ڳٹکاں پلی وچوں کڈھ سڳدے. جے ہک ڳٹک وادھی تھی ونجے تاں بھیݙ تروٻ ویندی اے تے او ڳٹکاں نی چاتیاں ونج سڳدیاں. تے او اوندا ضیان تھی ویندے. تے او ڳٹکاں ول خانے وچوں چوو تے ونڈیاں ویندین. سراندی آلی پلیاں وچوں کئی کھݙکار ڳٹکاں نی چا سڳدا او ہمیش ونڈایاں ویندن.اے کھیݙ ایویں چلدی ہے پئی.