Jump to content

بھٹو خاندان

وکیپیڈیا توں

کل بلاول کوں سݨݨ دے بعد میݙا تاں عجب حال حے. اپݨے پُتر دو ݙہیداں تےاوکوں ڳل لا کے رووݨ پئے وینداں ایویں لڳدے جیویں میݙا پُتر کہیں طاقتور، ظالم تے سفاک دشمن کوں ہکلاں ݙے کے آھدا کھڑا ہووے میݙا جیرھا کُجھ کریندے وے کر گھنو میں نہتا تُہاݙی بدمعاشی دا مٌقابلہ کریساں، تٌہاݙی سفاک تے پُرتشدد طبیعت دے خلاف ڈٹ کے سامݨا کریساں.

ایں مٌلک دے ٹھیکیداریں کوں ہکلاں مار کے، گڑھی خدا بخش دی پوتر مٹی دیاں قسماں چا کے، اپݨے نانے، مامے تے ما کوں انھاں کالیں ٻوٹاں تے کالے کوٹاں آلیں تے ہتھ مروا کے وی سینے تیں ہتھ مار کے طبل جنگ وڄاوݨ کوئی ساؤکھا کم کائینی. پر کیا کریجے اے حق سچ دا سفر انسانی تاریخ جتنا پُراݨا حے. ظالم تے مظلوم، قاتل تے مقتول، سفاک تے رحم دل ہیک ݙوجھے نال انسانی تہذیب دے سفر اچ ہمیشہ نال نال ٹُردے پئین. بلاول اوں قبیل دا فرد حے جیرھا بھری جوانی اچ یزیدی ٹولے کوں چیلنج کریندا کھڑے او وی اپݨے پُرکھیں دے قبرستان اچ کھڑ کے.. بھُٹو دے خون دا ایہو تاں وصف حے جو کہیں ݙر دے بغیر اجتماعی انسانی ترقی تے مُہذب اقدار دی خاطر اپݨی جان ݙے ݙیوو اے سوچے بغیر جو ڈوجھاٹولا اپݨی فطرت اچ شاطر، بدمعاش، سفاک، مُنافق تے جابر حے. او مذہبی مُنافرت پھیلا کے لکھاں لوگ مروایندے، او حُب الوطنی دا کارڈ کھیݙ کے لوکاں دے گھر اُڄڑیندے، جیندے بندے چا کے عقوبت خانیں اچ سٹ ݙیندے، ٹارگٹ کلنگ کر کے اپݨا کاروبار چلیندے تے میڈیا تیں اپݨے کرائے دے دلالیں نال رل کے کردار کُشی دی مُہم وی چلویندے.. اینجھے دُشمن نال اڄوکی بے مٌہاب دٌنیا اچ بھلا کون اپݨی جان دی پرواہ کیتے بغیر عام انساناں دے فائدے تے معاشرے دی اجتماعی ترقی سانگے اینجھیں طاقتیں نال مٌہݙا ݙیندے.. پر پاکستان دی تاریخ اچ سندھ دھرتی دا ہیک دھرتی واس خاندان پچھلے پنج دہائیں کولو قبضہ گیر تے ٻاہر دے دھاڑیلاں نال لڑدا آندے. جݙاں جݙاں ایں دھرتی کوں کہیں اوپرے تار تار کیتے تݙاں تݙاں کوئی نہ کوئی بھٹو اپݨے خون نال راٹھ پنڈی دی سفاک کھیݙ کوں ݙک ݙتے.. میں کلھوکا اپݨے پُتر کوں ڳل نال لا کے کئی دفعہ رو چُکاں. پتہ نئیں کیوں میݙا دل ٻہوں خوش وی حے پر اوں کولو زیادہ اُداس وی حے. ایندے اچ اے سوچ کے ہاول اُٹھدن جو اڳلی واری کالا سوٹ پا کے امام ضامن بدھ کے ایں دھرتی دا بلاول کہیں باجوے، کہیں خان، کہیں بیگ، کہیں چوہدری دے ہتھوں اپݨے پیو سمیت ماریا نہ ونڄے.. وت کوئی نہتی لڑکی بختاور دی شکل اچ یا آصفہ دی شکل اچ انہاں بندوخاں آلی سرکار کوں یا مُقدس آئین آلی ݙیݨ کوں ہکلاں مار کے آھدی کھڑی ہووے جو کربلا دی تاریخ رُکݨی کائینی اے جنگ اوہ تک جاری راہسی جہے تک یزیدیت دے ہتھوں انسانیت سرقلم تھیندی راہسی.. اے جنگ جاری راہسی جہے تک ٻاہردے حملہ آور ایں پوتر دھرتی کوں چھوڑ نہ ویسن.. تُساں کتنا بھٹو مریسو، تُساں کتنا دھرتی واس مریسو تُساں کتنا لہو واہیسو..! زلفی (ذوالفقار علی)

حوالے[لکھو | ماخذ وچ تبدیلی کرو]