بھٹو جاتی
بھٹو جاتی
شہید ذوالفقار علی بھٹو بارے کجھ معلومات
سندھ نال گانڈھا رکھن آلے ایں قبیلے دا وڈکا شیٹو خان ہا شیٹوخان اسلام قبول کیتا تاں اوندا ناں سردار محمد خان رکھیا گیا. سردار محمد خان کوں ہک پتر جمیا جیندا ناں شاہنواز بھٹو رکھیا شاہ نواز سیاست اچ پیر رکھۓ تے ریاست جونا گڑھ دے وزیراعظم بنڑئیے. . شاہ نواز بھٹو ہک سوہنڑاں نینگر ہا تے ہک کراڑی لکھی بائی کوں مسلمان کر تے شادی کیتی جیندا اسلامی ناں خورشید بیگم رکھیا گیا. شاہ نواز بھٹو کوں خورشید بیگم کن منورالاسلام عرف منا ، بے نظیر تے ذوالفقار جمئیے. . بے نظیر بلپنڑ اچ فوت تھی گئی. . جی ایہے ذوالفقار بھٹو پنج جنوری انوی سو اٹھاوی کوں جمۓ تے بعد اچ وڈے تھے کے دنیا دے وڈے سوجھوان بنڑئے. . اور اپنڑی بھینڑ دے ناں تے دھی دا ناں بے نظیر رکھیا. ذوالفقار بھٹو جیکوں ذولفی وی آکھیا ویندا ہا انہیں دے بلپنڑ دا ناں بوپا ہا. . بوپا تراۓ سال دا ہا تاں ملیریا دا شدید بخار تھیا انہیں دی اماں خورشید بیگم بوپا کوں حضرت شہباذ قلندر دی درگاہ تے گھن گئ تے تندرستی دی دعا منگی. . ات لئوں ذوالفقار بھٹو تے بے نظیر بھٹو ھمیش شہباز سرکار دی حاضری ڈیندے رہ گۓ ۱۹۳۷ اچ زلفی دا داخلہ بمبئ دے کیتھڈرل بوائز سکول اچ کرایا گیا منڈھلی تعلیم دے بعد برکلے یونیورسٹی کیلیفورنیا تے آکسفورڈ توں علم حاصل کیتا کجھ عرصہ ہمیپٹن یونیورسٹی اچ لیکچرار رہۓ ۱۹۵۳ اچ پاکستان ولۓ تے سندھ مسلم کالج اچ قانون پڑھایا تے نال ای وکالت شروع کیتی ۱۹۶۵ دی پاک بھارت جنگ ویلھے آپ وزیر خارجہ ہن تے اقوام متحدہ اچ کشمیر اشو تے شاندار تقریر کیتی صدر نال اختلاف پاروں استعفی ڈتا . ۳نومبر۱۹۶۷ کوں پاکستان پیپلزپارٹی دی بنیاد رکھی. ۱۹۷۳ اچ پاکستان دا آئن بنڑایا ۱۹۷۴ اچ اسلامی کانفرنس کرائی. شملہ معاہدہ دے تحت ۹۳ہزار جنگی فوجی قیدی رہا کراۓ روس دے تعاون نال سٹیل مل بنڑوائی. انہیں کمیں نال امریکہ تتا بھاہ تھیا تے بھٹو صاحب کوں انجام تک پجاون دا اعلان کیتا. . پر عوام بھٹو نال ہئ امریکہ نے وردی آلے کوں مل گھن تے بھٹو صاحب ڈھک ڈتا شاھی دا تخت پلٹ ڈتا ھک کوڑے قتل دے کیس اچ بھٹو صاحب ۴ اپریل ۱۹۷۹ کوں پھاھی لا ڈتا جیندے نال تل وطنیں دا سیت وی پھاھی لگ گیا. .(بلال بزدار)