بھوم ڳوجھی

وکیپیڈیا توں
Jump to navigation Jump to search

بھُوم ڳوجھی خالص سرائیکی اصطلاح ہے جیندا مطلب علم و دانائی دا خزانہ اے. بھُوم دا لفظی مطلب علم تے دانائی اے تے ڳوجھی دے معنی خزانے دے ہن.اس طرح "بھُوم ڳوجھی" انگریزی لفظ انسائیکلوپیڈیا دا مترادف اے. بھُوم ڳوجھی یا انسائیکلوپیݙیا اوں قابلِ فہم خلاصے کوں آکھا ویندا ہے جیندے وچ علم دے تمام شاخاں یا کہیں ہک مخصوص شاخ تے معلومات ݙتے گئے ہوون۔ اے کئی موضوعات وچ ونڈی ہوئی ہوندی ہے، جس وچ ہک موضوع صرف ہک مضمون تے تفصیلی معلومات فراہم کریندا ہے۔ موضوعات کوں بھُوم ڳوجھی یا انسائیکلوپیݙیا وچ حروفِ تہجّی دی ترتیب وچ لکھا ویندا ہے۔ اے ہک یا کئی جلداں تے مشتمل تھی سڳدے، اِس دا اِنحصار اِس وچ شامل معلومات تے ہے۔

انسائیکلوپیڈیا اصل وچ ہک یونانی لفظ enkyklopaidía توں اخذ کیتا گیا ہے جس دے لغوی معنی، علم تے فن دے لحاظ نال کہیں چیز دا سکھݨاں تے سکھاوݨ ہے، اردو وچ انسائیکلو پیڈیا کیتے ”دائرة المعارف“ تے قاموس العلوم تے سرائیکی وچ "بھُوم ڳوجھی" جیہے الفاظ استعمال تھیندے ہن۔ بھُوم ڳوجھی سرائیکی ماہر لسانیات مجاہد جتوئی دا کیتا ہویا ترجمہ اے اِصطلاح انگریزی لفظ انسائیکلوپیڈیا دا صحیح متبادل ہے ،[١]اے ݙو عربی الفاظ دا مجموعہ ہے: ‘‘دائرۃ ’’ یعنی دائرہ تے ‘‘المعارف’’ یا ‘‘معارف’’ جس دا مطلب ہے قانون قدرت یا فطری اشیا دی واقفیت[٢]. اے اِصطلاح عربی [٣] فارسی تے اُردو وچ زیرِ استعمال ہے۔ اِس دے علاوہ ݙوجھی عربی اِصطلاحات موسوعہ [٤] تے قاموس العلم[٥] وی اِنہاں تریہے زباناں وچ استعمال تھیندے ہن۔ اِس دے کیتے اصل فارسی لفظ دانشنامہ ہے جیہڑا اُردو وچ کہیں ٻئے مفہوم وچ استعمال تھیندا ہے (ݙیکھو مقالہ دانشنامہ).

موسوعہ لکھݨ والے شخص کوں موسوعہ نویس آکھدے ہن[٦].

حوالے[لکھو | ماخذ وچ تبدیلی کرو]

  1. اُردو آن لائن لُغت تے انگریزی لفظ انسائیکلوپیڈیا دا معنی و مطلب
  2. اُردو آن لائن لُغت تے لفظ معارف دا مفہوم
  3. ہک عربی آن لائن لُغت تے انگریزی لفظ انسائیکلوپیڈیا دی معانی
  4. اُردو آن لائن لُغت تے لفظ موسوعہ دا مفہوم و مآخذ
  5. اُردو آن لائن لُغت تے قاموس العلم دا حوالہ
  6. اُردو آن لائن لُغت تے موسوعہ نویس دا حوالہ