بندے بندے ہوندن گھوٻی گھوٻی ہوندی اے

سردار آپڑیں وارث کوں سیاسی میدان ءچ آنڑنڑ کنیں پہلے اوکوں سیاست دے گُر تال سکھاونڑ لُو ہک پرانڑے سیاسی دی خدمت حاصل کیتی اوندے اگو مٹھائ دا ڈبہ رکھ کے آکھیس مرشد ایکو آپڑیں شگردی ءچ قبول کرو ایکوں میں، وانگوں گریٹ لیڈر مخلص مسیحا تے کھرا سیاسی بنڑا ڈیو، مرشد پہلے ڈینھ اوکوں ڈسیا میڈا پتر سب توں، پہلے توں لومڑی وانگوں، چالاک بنڑ ڈیکھال سجی، مار کھبی، اے زھن ءچ، رکھ توں کوئ عام انسان نہویں، نہ عام انسانیں، آلی سوچ رکھڑیں ھے، امریں نال توں، بزنس مین بنڑ کے الاونڑے تے عام انسانیں نال تئیں گودا بنڑ کے الاونڑے، سال ڈو ءچ کہیں غریب دے جنازے تیں ونجے تاں گڈی وڈی ءچ ونجیں بھانویں جوان دی لاش ھووے توں، کاٹن شاٹن لاء کے اوندے وارثیں کنیں زیادہ اوندے انھیں رشتے داریں کوں گلکڑیاں پاویں جیرھے تیڈے ووٹر تے سپوٹر ھوون.

اگر تیڈا کوئ ووٹر تھانڑے ءچ بند ھووے خبردار بھانویں، جنیجھاں چھوٹا کیس ھووے پہلے ڈینھ نیں چُھڑوانڑاں نتاں گالھیں کریسن کیرھا کیس ھا، اونویں چُھٹ ونجوں ھا، تھانڑے ونجنڑ کنیں پہلے تھانڑے دی کالا ماتا یعنی ایس ایچ او کوں فون کرکے آکھیں میں آندا پیاں توں گشت تے چخے تھی ونج، میں ملزم کوں آکھساں بجرنگ بلی گشت تے ھے، اے ول آ وے پچھیں تیڈی گال کریساں، چل ہُنڑ اے ڈس تقریر کرنڑ آندی ھئ، شاگرد آکھیے نہ مرشد میں تقریر نمھیں کر سگدا، مرشد اوکوں سبزی دے کھیت ءچ گھن گیا جتھاں گوبھیاں پھل چائ کھڑیاں ہن، مرشد آکھیے انھیں گوبھیں کوں بندے سمجھ کے تقریر شروع کر ڈے، جتاما صاحب شروع تھی گیا تقریر تے، کجھ ڈینھ بعد جڈاں ووٹیں دے موقع تے تقریر شروع کیتی، لوکیں سوال کیتے، لتاں کنبنڑ لگ گیاں کیونکہ بندے بندے ھوندن گوبھی گوبھی ھوندی ھے.