بندےبندےدی ڳالھ

بَندےبَندے دی ڳالھ

لِکھت م م رمضان ارائیں

سَڄݨو کیا ݙساواں ٻہوں ݙکھ ݙیوݨ والا حال اے، بندےبندےدی ڳالھ اے. ہِک بندہ آتےݙسیندےجوکرونا وائرس دےنال آدِھل دُنیا دےلوک مَروِیسن تےاُوندی ڳالھ تےاتبارآویندے، وَل کُئی آتےاہدےاے ݙینہہ ڈھیرتَپݨ نال آپےآپ مُک وِیسی اُوندی ڳالھ وی بھَاں ویندی اے. ایویں ہی انٹرنیٹ دا نویکلا جہاں تُوں وٹساپ تےہِک یونیورسٹی دا پڑھاکُوں ٻال آتےآپݨی ڳالھ مُہاڑکریندےتےنَوی تھیوری تَھپ تےاَہدے جو ایں بَوا کرونا دا دارو اسرائیل مُلخ کنوں ہے پِیا. اُوندے ہَتھ چُمݨ کُوں دِل اَہدے، ٻیا بندہ اپݨی ڳالھ دا پکا پک کرویندیں ہوئیں سُݨویندے جو ایندا دارو ہِک سال تُوں بعد بݨسی. مُحلے دا مولوی آتے دجال دی امدݨ ڈسیندےتےاُوندےنال مسیت ڈو وَنڄݨ کیتےلوک دُھرک پُوندے. اِتبار کرو یارو! حالات اےتئیں تھی ڳئن جو پی. ایچ. ڈی کرتےوی ڈُو جماعتاں پاس گُلو لوہار دی ڳالھ غورنال سُݨڑی پوندی اے. نَتھو درزی کلتھوں اَہدا پیا ہا اے کرونا، ورونا نال کُجھ کائنی تھیندا اے تاں ڄاݨ ٻُجھ کراہیں لوکاں کُوں ٹَرکایا ویندا پَئے. اَڄ اُونکوں نِچھ آئی تےاُوسویل نال ݙُو درجن مالٹے کھادی وَدا ہا جیندی وجہ کولوں ݙاہ واری اونکوں صحت گھر دی زیارت کرݨی پَئےگئی تےمِنتاں ترلےنال ذال کنوں تَنُور ءچ وَٹےتَپوا کراہیں مَتھےکُوں دُھوں ݙیواوݨا پئےڳیا. کل ہک چاچا سئیں بھیݙیں دے اَجڑ نال ویندیں اپݨےسنگتی کُوں اہدا ویندا ہا جو اے سَبھ امریکہ دی بدمعاشی ہےتےاُو مسیتاں کُوں بندکراوݨں چاہندےلیکن اونکوں مَیں شب برات جہیں رات ءچ ویڑھےدی چُنڈ ءچ مُصلیٰ وِچھاتےنمازپڑھدا ݙیکھ تےاَمدا پیاں. اَڄ ہک وَستی دےچَلتر چھوکرےکُوں ڳالھ کریندیں ہوئیں سُݨیا جو اے سَبھ 5جی دی وجہ نال تھیندا پئےلیکن اونکوں نال نال4جی دی سَپیٹ کم ہووَݨ تےکاوڑ اندی پئی ہَئی. جُمعہ قصائی دی اے ڳالھ ٹَھک چنڳی لڳی جو چینی چِٻریاں کَھندےہِن اے بوا اُوں وجہ کنوں وَدھی پَھلی ہے، جیرھا خوداپݨےوسوں دےواسیں کُوں کئی واری حرام مُردار کھوائی کھڑا ہا. ایندےنال وٹساپ یونیورسٹیاں تے کرونا کولوں بچݨ دا دارو، پُڑیاں، ٹِکیاں، بݨاوݨ دےطریقےݙسائےویندےپئن لگدے اِتنی تحقیقات شئیت امریکہ، روس تےچین ءچ گھٹ تَھئی ہوسی. ہِک قبلہ پِیرسئیں رات دےخواب ءچ کبوتر دی جَھلی نال ایں بَوا کولوں شفاء دا طریقہ ڈسیےتےمریدیں عمل کرݨ سانگےݙینہہ رات ہک کرݙتے. اڄ سڄی اطلاع سویلےنال آپݨےآپ کوں محقق آکھواوݨ والا گھبرو دلیلاں کھڑا ݙیندا ہا جو اے بَوا صرف قوم لوط دےپیروکاریں کوں تھی سڳدے، جیندےنالوں مدرسےدےوَݙےمُلاں ایں ڳالھ کوں شر وَدھاوݨ دا ہوکا آکھیےتے ڳالھ منݨ کنوں انکار کرݙتے. اخیری ڳالھ ادرک، تھوم، وَصل، کلونجی، کالی، چِٹی مرچ کنوں گھن کراہیں ہلیدر، چھوٹی وَݙی لاچی تک ہرشَئےدا نسخہ وٹساپ یونیورسٹی دی لیبارٹری ءچ حاضرہے. ناچیز دا نا کہیں نسخےتےعمل گنجائش، نہ ہمت بس پچھلےویہہ ݙینہواراں توں ذال دی دیدشفاء خانہ، اپݨےگھر کُوں قیدخانہ بݨائی ٻیٹھوں، ہَتھ دھووَݨ تےکھاوݨ پیوݨ ی منزل تک اوندےرحم و کرم تےہے. ساوےرنگ داہک منگا نہ بھاوَݨ والی بُو ہک گلاس سویرے سَنجھ کوں پِیندےپئیوں. اَڄ ڈھیرتنگ تھی تےناچیزپُچھݨ دا مُنڈھ ٻدھیا تے ذال آکھݨ پئےڳئی ""دھاݨے ہِن ٻیا کیا ہے؟؟؟"" ایں وَخت سُچینداں جو لاک ڈاؤن مُک وَنجے تے میں ٻَاہروَنڄ تے کیا کریساں. ""اللہ راسی..