بمبئی دے ست جزیرے
بمبئی دے ست جزیرے (انگریزی: Seven Islands of Bombay)، ہندی: मुम्बई के सात छोटे द्वीप) سولہویں صدی وچ پرتگیزی ہند دے زیر انتظام ہندوستان دے مغربی ساحل تے ہک مجمع الجزائر ہئی۔ 1661ء وچ خاندان براگینزا دی پرتگیزی شہزادی کیتھرین دی چارلس دوم شاہ انگلستان نال شادی دے موقعے تے ایہ جزائر جہیز دے طور تے انگلستان دے حوالے کر ݙتے ڳئے۔ 1534ء وچ پرتگیزی سلطنت دے قبضے کولوں قبل ایہ مقامی بادشاہتاں دے زیرنگیں رہیے جنہاں وچ سلہرا شاہی سلسلہ تے سلطنت گجرات شامل ہن۔ جہیز وچ حاصل تھیوݨ دے بعد چارلس دوم شاہ انگلستان نے ایہ جزائر برطانوی ایسٹ انڈیا کمپنی کوں 1668ء وچ 10 پاونڈ سالانہ کرائے تے ݙے ݙتے۔ 1845ء تک انہاں جزائر کوں کئی مختلف منصوبیاں دے تحت آپس وچ ملا ݙتا ڳیا۔ انہاں اچوں بݨݨ والے جزیرہ بمبئی کوں قریبی جزائر ترومبے تے سلسیٹ نال وی ملا ݙتا ڳیا جیہڑے بالترتیب اوندے شمال مشرق تے شمال وچ واقع ہن تے ایندے نال ممبئی عظمیٰ وجود وچ آیا۔ انہاں جزائر دا مقام موجودہ ممبئی دا جنوبی حصہ ہے۔
اصل جزائر جیہڑے انگلستان دے حوالے کیتے ڳئے مندرجہ ذیل ہن:
- جزیرہ بمبئی
- کولابا
- جزیرہ اولڈ وومن (چھوٹا کولابا)
- ماہم
- مازاگاؤں
- پاریل
- ورلی