بلغاری زنانیاں دے حقوق

بلغاری زنانیاں دے حقوق توں مراد اُنّھاں زنانیاں دے حقوق ہِن جیڑھے بلغاریہ وِچ رہن٘دیاں ہِن اَتے اِین٘دے نال تعلق رکھین٘دیاں ہِن۔ بلغاریہ دے معاشرے وِچ زنانیاں / تِریمتیں دا مقام اَݨ ڳِݨت ثقافتاں اَتے نظریات نال متأثر تِھیا ہِے، جین٘دے وِچ بازنطینی اَتے عثمانی ثقافتاں، مزرقی آرتھوڈوکس مسیحیت، کمیونسٹ نظریہ، اَتے عصری عالمگیر مغربی اقدار شامل ہِن۔

اَزادی دے حقوق

بلغاریہ دیاں زنانیاں ہِک اِیہو جئیں معاشرے وِچ رہن٘دیاں ہِن جیڑھیاں روائتی طور تے پِدرانہ ہِے۔ جاں جو بلغاریہ کوں اکثر پدرانہ معاشرے دے طور تے بیان کِیتا وین٘دا ہِے، زنانیاں کوں گھروڳے بجٹ یا زرعی فیصلہ سازی وِچ ٻہوں اختیار حاصل تِھی سڳدا ہِے۔ مرد اَتے زنانی / تِریمت ݙُون٘ہائیں کوں چوݨ دا حق اَتے جَذیت رکّھݨ دا حق ہِے۔ صنفی برابری دے کئی ݙہاکیاں دے سوشلسٹ نظریے دے باوجود، زنانیاں اکثر گَھٹ اُجرت آلی ملازمتاں وِچ کَم کرین٘دیاں ہِن۔ زیادہ تر گھروڳے کَمّاں دی ذِمّے وار رہن٘دیاں ہِن، اَتے اَدھ تُوں وَدھ تر رجسٹرڈ بے روزگاراں دی نمائندگی کرین٘دیاں ہِن۔ ١٩٩٦ء وِچ، پوسٹ سوشلسٹ پارلیمانی نمائندیاں وِچوں ١٤ فیصد توں وی گھٹ زنانیاں ہَن، اَتے اِیں سال پنڄ وِچوں صرف ہِک میونسپل کونسلر زنانی ہئی۔ ٢٠١٤ء تئیں، زنانیاں دی پارلیمنٹ وِچ ٢٠.٤ فیصد نمائندگی ہئی۔

چوݨ دا حق          

زنانیاں کوں محدود چوݨ دا حق پہلی واری ١٩٣٧ء وِچ ݙِتّا ڳیا ہئی، اَتے زنانیاں کوں ١٩٤٤ء وِچ چوݨ دے حق دے مکمل حقوق حاصل تھئے۔ کمیونسٹ دور وِچ بہر حال، زنانیاں اَتے مرداں ݙُون٘ہائیں کِیتے شہری حقوق اَتے اَزادی ہِکّو جئیں ہئی، بھان٘ویں اُوہ حکومت دی آمرانہ نوعیت دی وجہ توں کِتّی اِی محدود کیوں ناں ہووِن۔ ١٩٤٥ء وِچ پہلی زنانی پارلیمان وِچ چُݨی ڳئی ہئی۔ ١٩٦٠ء اَتے ١٩٩٠ء دے وِچالے وِچ پارلیمان وِچ زنانیاں دی ڳِنتری ١٦ فیصد توں ٢١ فیصد دے وِچالے وِچ ہئی اَتے ١٩٩٠ء وِچ اِیہ گھٹ تے ٨.٥ فیصد رہ ڳئی۔ ٢٠١٧ء تئیں، پارلیمان وِچ ٢٥.٨ فیصد زنانیاں ہَن۔

آئینی حقوق

بلغاریہ دا آئین صنفی مساوات فراہم کرین٘دا ہِے: شق:٦۔

• سبھے لوک اَزاد ڄَمّے ہَن اَتے وقار اَتے حقوق وِچ برابر ہِن۔

• سَبھے شہری قنُون دے سامھݨے برابر ہوِسن۔ نسل، قومی یا سماجی اصل، نسلی خود شناسی، جنس، مذہب، تعلیم، رائے، سیاسی وابستگی، ذاتی یا سماجی حیثیت یا جَذَیت دی حیثیّت دی بُݨیاد اُتے حقوق دی کوئی مراعات یا پابندی کائے ناں ہوسی۔

ٻِیا ݙیکھو

• قرونِ وسطیٰ بلغاریہ دیاں زنانیاں
• بلغاریہ وِچ زنانیاں
• زنانیاں دے حقوق
• زنانیاں دا چوݨ دا حق

ٻاہرلے جوڑ

• بلغاریہ، everyculture.com
• بلغاریائی سوسائٹی میں خواتین: رومین ایل جینوف کی تاریخ اور حالیہ تبدیلیاں
• بلغاریہ کی تاریخ
• خواتین قرون وسطی اور اکیڈمی، جین چانس کے ذریعہ ترمیم شدہ
• بلغاریہ میں خواتین کے روزگار کے حقوق سے متعلق پالیسیاں۔