بطلیموس

بطلیموس Ptolemy
ڄم:	100ء، جاہ نامعلوم
وفات:	170ء، اسکندریہ، مصر
کم :	ریاضی دان ، جغرافیہ دان ، ماہر فلکیات ، منجم ، موسیقی کا نظریہ ساز ، فلسفی ، ماہر موسیقیات ، مصنف

بطلیموس (Ptolemy) ݙوجھی صدی عیسوی دا مشہور یونانی ماہر فلکیات، جغرافیہ دان تے ریاضی دان ہئی۔ اسکندریہ مصر اچ پیدا تھیا۔ اوں نے نظام شمسی دا زمین مرکزی (Earth-centered) نظریہ پیش کیتا۔ ایں موضوع تے اُوندی کتاب ’’المجستی‘‘ ٻہوں مشہور ہے جیہڑی تیرہاں جلداں یا مقالات تے مشتمل ہے تے جیندا موضوع فلکیات ہے۔ پہلے ݙو تمہیدی مقالاں اچ فلکیات دے مبادیات تے ریاضی دے طریقیاں دی شرح کیتی ڳئی ہے۔ مقالہ سوم اچ ہک سال دے طول تے سورج دی حرکت تے بحث کیتی ڳئی ہے۔ مقالہ چہارم مہینیاں دے طول تے چندر دے گھٹݨ ودھݨ تے ہے۔ مقالہ پنجم اچ سورج، چندر تے زمین دا قطر، انہاں دے ابعاد تے سورج دے فاصلے دا بیان ہے۔ ’’المجستی‘‘ اچ فلکیات دا اوں وقت دا جتنا علم 150ء دے قریب انسان دی دسترس اچ ہئی اوندا مفصل جائزہ ہے۔