بشیر دیوانہ

1965ء تا2020ء

بشیر دیوانہ (مرحوم) ضلع رحیم یار خان دے مقبول ترین شاعر ہن، سرائیکی شاعری دیاں تمام مروجہ اصناف وڈٖی مہارت نال لکھدے ہَن۔شعری مجموعہ ’’ سوچیں دا سفر‘‘ توں علاوہ انہاں دے کئی شعری کتابچے وی چھپ چکے ہن۔آپ اپنْی دھرتی ، اپنْی ماء بٖولی نال انتہائی محبت کریندے ہَن۔بشیر دیوانے دے سوچیں دا سفر اجٖاں جاری ہا جو موت دا فرشتہ وقت توں پہلے آ گٖیا تے آپ 2020ء اچ ایں دنیا فانی توں کوچ کر گٖئے۔

بشیر دیوانہ سرائیکی زبان دا شاعر ہے۔ صادق آباد نال تعلق ہے۔ تخلص دیوانہ تے ناں بشیر احمد ہے، اٻے دا ناں فقیر بخش ذات ولیاݨی۔

جم پل

بستی گوٹھ جھوڑا

اولاد

• عمران بشیر
• عرفان بشیر
• کامران بشیر
• مہران بشیر
• ذیشان بشیر
• عدنان بشیر
• سلمان بشیر

بشیر دیوانہ فی البدیہ شاعر ، گلوکار ،ایڈیٹر ، ناشر ، مخلص کارکن ہے۔

کتاباں

• سوہݨا ساوا روضہ
• عطائی ݙاکدار
• تھکل
• ایکسپریس
• ماء دا پیار
• خونی زلزلہ
• سرائیکی سہرے
• دیوانے دے ݙوہڑے
• چمکدے تارے

نمونہ کلام

گھڑی

ٹِک ٹِک ٹِک ٹِک ٹِک ٹِک

گھڑی تے وڄ ڳئے پورا ہِک

ہِک ݙوجھے دی رکھو سِک

ٹِک ٹِک ٹِک ٹِک ٹِک ٹِک

ہِک ݙُوں ترَے چار

دشمن اڳوں بݨو دیوار

کوئی نہ خالی ون٘ڄے وار

ٹِک ٹِک ٹِک ٹِک ٹِک ٹِک

ݙوں ترَے چار چار پنج چھی

جیڑھا ویند کاوِڑ پی

اُوں کوں ہر کوئی اہدے جی

ٹِک ٹِک ٹِک ٹِک ٹِک ٹِک

چھی ست اَٹھ اَٹھ نَوں ݙاہ

ایجھے کم توں کر ݙکھلا

دنیا آکھے واہ بھئی واہ

ٹِک ٹِک ٹِک ٹِک ٹِک ٹِک

نَوں ݙاہ یارھاں ݙَاہ یارھاں ٻارھاں

ہر دم رہوو باغ بہاراں

علم ادب دے چاؤو ٻاراں

ٹِک ٹِک ٹِک ٹِک ٹِک ٹِک

وفات

٢٨ ١پریل ٢٠٢٠ء