برج خلیفہ
| برج خلیفہ | |
  | |
| پراݨا ناں: | برج دبئی |
| آغاز تعمیر: | 2004ء |
| لاڳت: | 1.5 بلین امریکی ڈالر |
| اچائی: | 2717 فٹ |
| منزلاں: | 163 |
| آخری منزل: | 1918 فٹ |
| مشاہدہ گاہ: | 1823 فٹ |
| لفٹاں : | 58 |
| نوک دی اچائی: | 2722 فٹ |
| منزل دا رقبہ: | 309,473 میٹر2 |
| بلڈرز: | ایڈریان سمتھ |
| ڈویلپر: | عمار پراپرٹیز |
| مقام : | دبئی، یو اے ای |
برج خلیفہ دی کل بلندی 828 میٹر ہے جبکہ اینڈے کل منزلاں 162 ہن۔ ایں طرح ایہ دنیا وچ سب توں زیادہ منزلاں دی حامل عمارت وی ہے۔ عمارت نے 21 جولائی 2007ء کوں 141 منزلاں مکمل تھیوݨ تے جݙݨ 512 میٹر (1680 فٹ) دی بلندی کوں چھوا تاں اوں وقت دی دنیا دی سب توں بلند عمارت تائی پے 101 (509.2 میٹر) (1671 فٹ) کوں پچھاں چھوڑا، لیکن بلند عمارتاں دے حوالے نال عالمی ادارے انجمن برائے بلند عمارات و شہری عادات (Council on Tall Buildings and Urban Habitat) نے اینکوں تسلیم تاں کیتا لیکن انہاں دا آکھݨا ہے کہ ایہ تݙاں تک بلند ترین عمارت نہ سݙیسی جے تک مکمل نہ تھی ویسی بالکل اونہی طرح جیویں شمالی کوریا دے دارالحکومت پیانگ یانگ وچ واقع ریونگ یونگ ہوٹل کوں مکمل عمارت نی سمجھا ویندا۔ ایں ڳالہوں باضابطہ طور تے بلند عمارت دا اعزاز 4 جنوری 2010ء کوں حاصل کیتا۔ ایں طرح برج خلیفہ نے فروری 2007ء وچ شکاگو دے سیئرز ٹاور کوں پچھوں چھوڑ کے دنیا وچ سب توں زیادہ منزلاں دی حامل عمارت دا اعزاز حاصل کیتا ہئی۔ واضح رہے کہ سیئرز ٹاور وچ 108 منزلاں ہن۔